Կոչ է արել ցից հանել աղմկահարույց ֆիլմի ռեժիսորին09.20.2017
Ռուսաստանում ոստիկանությունը ձերբակալել է «Քրիստոնեական պետություն՝ Սուրբ Ռուսաստան» շարժման ղեկավար Ալեքսանդր Կալինին այն հիմքով, որ նա կոչ է արել հրդեհել կինոթատրոնները: Այդ մասին «gazeta.ru»-ի տեղեկատվությունը փոխանցում է «taglur.am»-ը:
Տեղեկացվում է, որ աղմկահարույց «Մաթիլդա» ֆիլմի ռեժիսորի փաստաբան Կոնստանտին Դոբրինինը ավելի վաղ դիմում է ներկայացրել Ռուսաստանի դաշնության անվտանգության ծառայությանը՝ բողոքելով ֆիլմի ու նրա ռեժիսորի վերաբերյալ Կալինինի հայտարարությունների դեմ: Օրինակ, Ալեքսանդր Կալինինը կոչ է արել ցից հանել Ուչիտելին: «Դոժդ» հեռուստաընկերությունը փորձել էր այդ արտահայտությունը և էլի մի շարք հարցեր պարզաբանելու նպատակով հեռախոսակապ հաստատել Կալինինի հետ, սակայն նա զանգերին չի պատասխանել:
Կազմակերպությունը, որի ղեկավարն է Ալեքսանդր Կալինինը, ռուսաստանցի շատ քաղաքական գործիչներ համարում են ծայրահեղական: Այդ նպատակով նույնիսկ պետդումայի պատգամավորներ Իրինա Ռոդնինան և Օքսաննա Պուշկինան Ռուսաստանի դաշնության անվտանգության ծառայությանը խնդրել են ստուգել, թե որքանով է ծայրահեղական այդ շարժումը:
Ասենք, որ հոկտեմբերի 28-ին ռուսական կինովարձույթի շուկայում ցուցադրվելու համար նախատեսված «Մաթիլդա» ֆիլմից երկրի կինոթատրոնները զանգվածաբար հրաժարվում են՝ վախենալով իրենց հաստատությունները հրդեհելու մասին ծայրահեղական տարբեր խմբավորումների կողմից տարածվող հայտարարություններից:
Օրինակ, Ալեքսանդր Կալինինը ավելի վաղ հայտարարել էր, որ մարդիկ իրեն են դիմում առաջարկելով՝ զանգվածաբար զանգահարել կինոթատրոններ և հաղորդել դրանցում տեղադրված ռումբերի մասին, որպեսզի այդ եղանակով պայքարեն «Մաթիլդա» ֆիլմի վարձույթի դեմ:
Առաժմ, կարծես թե, ֆիլմի վարձույթը խափանողների սպառնալիքները ավելի ներգործուն են, քան կողմնակիցներինը, թեև, նախատեսված ցուցադրությունը իրականացնելու ցանկությամբ տարբեր հայտարարություններով և ուժային կառույցների օժանդակությունը ստանալու նպատակով, հանդես են գալիս նաև գործադիր իշխանության ներկայացուցիչները, որոնց թվում նաև Ռուսաստանի մշակույթի նախարարը:
Հիշեցնենք, որ ռուսական հասարակության մեջ մեծ աղմուկ բարձրացրած «Մաթիլդա» ֆիլմում Ուչիտելը ներկայացնում է դեռ գահ չբարձած ապագա Նիկոլայ 2-րդի և պարուհի Մաթիլդա Քշեսինսկայայի սիրավեպը:
Այս թեմայով այլ հղումներ-1
Տեղեկացվում է, որ աղմկահարույց «Մաթիլդա» ֆիլմի ռեժիսորի փաստաբան Կոնստանտին Դոբրինինը ավելի վաղ դիմում է ներկայացրել Ռուսաստանի դաշնության անվտանգության ծառայությանը՝ բողոքելով ֆիլմի ու նրա ռեժիսորի վերաբերյալ Կալինինի հայտարարությունների դեմ: Օրինակ, Ալեքսանդր Կալինինը կոչ է արել ցից հանել Ուչիտելին: «Դոժդ» հեռուստաընկերությունը փորձել էր այդ արտահայտությունը և էլի մի շարք հարցեր պարզաբանելու նպատակով հեռախոսակապ հաստատել Կալինինի հետ, սակայն նա զանգերին չի պատասխանել:
Կազմակերպությունը, որի ղեկավարն է Ալեքսանդր Կալինինը, ռուսաստանցի շատ քաղաքական գործիչներ համարում են ծայրահեղական: Այդ նպատակով նույնիսկ պետդումայի պատգամավորներ Իրինա Ռոդնինան և Օքսաննա Պուշկինան Ռուսաստանի դաշնության անվտանգության ծառայությանը խնդրել են ստուգել, թե որքանով է ծայրահեղական այդ շարժումը:
Ասենք, որ հոկտեմբերի 28-ին ռուսական կինովարձույթի շուկայում ցուցադրվելու համար նախատեսված «Մաթիլդա» ֆիլմից երկրի կինոթատրոնները զանգվածաբար հրաժարվում են՝ վախենալով իրենց հաստատությունները հրդեհելու մասին ծայրահեղական տարբեր խմբավորումների կողմից տարածվող հայտարարություններից:
Օրինակ, Ալեքսանդր Կալինինը ավելի վաղ հայտարարել էր, որ մարդիկ իրեն են դիմում առաջարկելով՝ զանգվածաբար զանգահարել կինոթատրոններ և հաղորդել դրանցում տեղադրված ռումբերի մասին, որպեսզի այդ եղանակով պայքարեն «Մաթիլդա» ֆիլմի վարձույթի դեմ:
Առաժմ, կարծես թե, ֆիլմի վարձույթը խափանողների սպառնալիքները ավելի ներգործուն են, քան կողմնակիցներինը, թեև, նախատեսված ցուցադրությունը իրականացնելու ցանկությամբ տարբեր հայտարարություններով և ուժային կառույցների օժանդակությունը ստանալու նպատակով, հանդես են գալիս նաև գործադիր իշխանության ներկայացուցիչները, որոնց թվում նաև Ռուսաստանի մշակույթի նախարարը:
Հիշեցնենք, որ ռուսական հասարակության մեջ մեծ աղմուկ բարձրացրած «Մաթիլդա» ֆիլմում Ուչիտելը ներկայացնում է դեռ գահ չբարձած ապագա Նիկոլայ 2-րդի և պարուհի Մաթիլդա Քշեսինսկայայի սիրավեպը:
Այս թեմայով այլ հղումներ-1