Ստալինի մասին արտասահմանյան ֆիլմի ցուցադրությունը խնդիրների է հանդիպում01.23.2018
Հանրային խորհուրդը վիրավորական է համարել Բրիտանիայում ռեժիսոր Արմանդո Իանուչչի նկարահանած «Ստալինի մահը» ֆիլմը, որի ցուցադրությունը Ռուսաստանի կինոթատրոններում նախատեսվում էր հունվարի 25-ից: Այդ մասին տեղեկացնում է «taglur.am»-ը՝ հղում անելով «meduza.io»-ին:
Նախատեսված պրեմիերայից երեք օր առաջ՝ հունվարի 22-ին, բրիտանական կինոնկարը հատուկ ցուցադրվել է հանրային խորհրդի անդամների և մշակութային գործիչների համար: Դիտումից հետո հանրային խորհրդի անդամներից մեկը՝ Պավել Պոժիգայլոն, հայտարարել է, որ ինքը պետք է պայքարի այդ կինոնկարի պրեմիերայի ժամկետը հետաձգելու համար:
Առաջարկվել է կինոնկարի ցուցադրությունը թույլատրել ամռանը, քանի որ, եթե այն էկրան բարձրացվի հունվարի 25-ին, ապա դա կհամընկնի Ստալինգրադի ճակատամարտի ավարտի 75-ամյակի հանդիսություններին: Պոժիգայլոն նաև նշել է, որ «Ստալինի մահը» ֆիլմի ցուցադրությունը ցանկալի չէ երկրի նախագահի ընտրությունների նախօրեին: Նա նաև ասել է, որ կինոնկարում կան ռուսաստանյան օրենսդրությունը խախտելու նշաններ:
Հանրային խորհրդի անդամի այս մոտեցումներին հակադրվել է մշակույթի փոխնախարար Վլադիմիր Արիստարխովը: Նա հայտարարել է, որ կինոնկարը արդեն ստուգվել է և ոչ մի խախտում այնտեղ չկա:
Պոժիգայլոն հայտարարել է, որ կինոժապավենում սրբապղծվում են «մեր պատմական խորհրդանշանները՝ Խորհրդային հիմնը, շքանշանները և մեդալները»: Ըստ նրա. «Մարշալ Ժուկովը պատկերվում է հիմար: Բացի այդ, ֆիլմում չափազանց շատ են բռնության տեսարանները»:
Ըստ Պոժիգայլոյի այդպիսի որակները հակասում են ֆիլմերին վարձույթի վկայական տալու կանոններին:
Հանրային խորհուրդը վիրավորական է համարել Բրիտանիայում ռեժիսոր Արմանդո Իանուչչի նկարահանած «Ստալինի մահը» ֆիլմը, որի ցուցադրությունը Ռուսաստանի կինոթատրոններում նախատեսվում էր հունվարի 25-ից: Այդ մասին տեղեկացնում է «taglur.am»-ը՝ հղում անելով «meduza.io»-ին:
Նախատեսված պրեմիերայից երեք օր առաջ՝ հունվարի 22-ին, բրիտանական կինոնկարը հատուկ ցուցադրվել է հանրային խորհրդի անդամների և մշակութային գործիչների համար: Դիտումից հետո հանրային խորհրդի անդամներից մեկը՝ Պավել Պոժիգայլոն, հայտարարել է, որ ինքը պետք է պայքարի այդ կինոնկարի պրեմիերայի ժամկետը հետաձգելու համար:
Առաջարկվել է կինոնկարի ցուցադրությունը թույլատրել ամռանը, քանի որ, եթե այն էկրան բարձրացվի հունվարի 25-ին, ապա դա կհամընկնի Ստալինգրադի ճակատամարտի ավարտի 75-ամյակի հանդիսություններին: Պոժիգայլոն նաև նշել է, որ «Ստալինի մահը» ֆիլմի ցուցադրությունը ցանկալի չէ երկրի նախագահի ընտրությունների նախօրեին: Նա նաև ասել է, որ կինոնկարում կան ռուսաստանյան օրենսդրությունը խախտելու նշաններ:
Հանրային խորհրդի անդամի այս մոտեցումներին հակադրվել է մշակույթի փոխնախարար Վլադիմիր Արիստարխովը: Նա հայտարարել է, որ կինոնկարը արդեն ստուգվել է և ոչ մի խախտում այնտեղ չկա:
Պոժիգայլոն հայտարարել է, որ կինոժապավենում սրբապղծվում են «մեր պատմական խորհրդանշանները՝ Խորհրդային հիմնը, շքանշանները և մեդալները»: Ըստ նրա. «Մարշալ Ժուկովը պատկերվում է հիմար: Բացի այդ, ֆիլմում չափազանց շատ են բռնության տեսարանները»:
Ըստ Պոժիգայլոյի այդպիսի որակները հակասում են ֆիլմերին վարձույթի վկայական տալու կանոններին:
.jpg)
