Թե ինչպես է բրիտանական արվեստը, մշակույթը և գրականությունը ազդել Վան-Գոգի վրա03.28.2019
«Աստղազարդ գիշեր», «Հիրիկներ», «Արևածաղիկներ»... Վինսենթ Վան Գոգի այս հայտնի նկարները արվեստասերներն այդպես էլ չէին տեսնի, եթե չլիներ նկարչի վրա Լոնդոնի ազդեցությունը: Այսպիսին է օրերս Բրիտանիայի մայրաքաղաքում բացված հոլանդացի հանճարեղ նկարչի աշխատանքների ցուցահանդեսի գլխավոր մոտիվացիան: Այդ մասին տեղեկացնում է «taglur.am»-ը՝ հղում անելով «ru.euronews.com»-ին:
Ցուցահանդեսի գործունեությունը համակարգողները փորձում են ցույց տալ, թե ինչպես է բրիտանական արվեստը, մշակույթը և գրականությունը ազդել Վան-Գոգի վրա, երբ վերջինս 1870-ական թվերի առաջին երեք տարիներին, մինչ նկարիչ դառնալը, բնակվում էր այս քաղաքում:
«Նա ընդամենը 20 տարեկան էր, իհարկե, հայտնվելով տնից հեռու, այսպիսի մեծ, ժամանակակից քաղաքում, մի փոքր վախեցած էր: Նկարիչը այստեղ աշխատեց մի քանի տարի: Ընդունված է ասել, որ այս քաղաքը փոխեց նրա աշխարհահայացքը: Նա ճանաչեց ժամանակակից աշխարհը և նրա բոլոր սահմանները»,- ներկայացնում է «Վան-Գոգը Բրիտանիայում» ցուցահանդեսի համակարգող Քերոլ Ջեյքոբին:
Վան-Գոգը նկարիչ դառնալու մասին վերջնական վճիռ կայացրել է Լոնդոնից վերադառնալուց 4 տարի հետո: Սակայն արվեստաբաններից շատերը պնդում են, որ այդ քաղաքը նրան փոխեց ընդմիշտ:
Չնայած լոնդոնցիների այս մոտեցմանը, նշենք, որ Վան-Գոգը այդ քաղաքի հետ առնչվող միայն մեկ նկար է ստեղծել, այն էլ տեղի բանտի մասին: «Բանտարկյալների զբոսանքը» հայտնի կտավը նա նկարեց, ընդամենը, իր մահից մի որոշ ժամանակ առաջ: Այդ ստեղծագործության հիմքում նկարիչը դրել է Գյուստավ Դորեի «Օսթռոգ» փորագրությունը:
Իսկ, ընդհանրապես, այս կտավի մասին տարածված է այն կարծիքը, որ Վան-Գոգը Լոնդոնում գտնվելու ժամանակաշրջանում շատ է սիրել զբոսնել քաղաքում և իր մեջ պահպանել է նաև տեղի բանտերի մասին հիշողություն...
Հավելենք, որ Լոնդոնյան այս ցուցահանդեսում կարելի է հետևել նաև, թե ինչպիսին է եղել Վան-Գոգի արվեստի ազդեցությունը բրիտանացի արվեստագետների վրա, որոնցից մեկն էլ Ֆրենսիս Բեկոնն է, որը հանճարեղ հոլանդացու գործերի տպավորությամբ վրձնել է մի շարք դիմանկարներ:
«Աստղազարդ գիշեր», «Հիրիկներ», «Արևածաղիկներ»... Վինսենթ Վան Գոգի այս հայտնի նկարները արվեստասերներն այդպես էլ չէին տեսնի, եթե չլիներ նկարչի վրա Լոնդոնի ազդեցությունը: Այսպիսին է օրերս Բրիտանիայի մայրաքաղաքում բացված հոլանդացի հանճարեղ նկարչի աշխատանքների ցուցահանդեսի գլխավոր մոտիվացիան: Այդ մասին տեղեկացնում է «taglur.am»-ը՝ հղում անելով «ru.euronews.com»-ին:
Ցուցահանդեսի գործունեությունը համակարգողները փորձում են ցույց տալ, թե ինչպես է բրիտանական արվեստը, մշակույթը և գրականությունը ազդել Վան-Գոգի վրա, երբ վերջինս 1870-ական թվերի առաջին երեք տարիներին, մինչ նկարիչ դառնալը, բնակվում էր այս քաղաքում:
«Նա ընդամենը 20 տարեկան էր, իհարկե, հայտնվելով տնից հեռու, այսպիսի մեծ, ժամանակակից քաղաքում, մի փոքր վախեցած էր: Նկարիչը այստեղ աշխատեց մի քանի տարի: Ընդունված է ասել, որ այս քաղաքը փոխեց նրա աշխարհահայացքը: Նա ճանաչեց ժամանակակից աշխարհը և նրա բոլոր սահմանները»,- ներկայացնում է «Վան-Գոգը Բրիտանիայում» ցուցահանդեսի համակարգող Քերոլ Ջեյքոբին:
Վան-Գոգը նկարիչ դառնալու մասին վերջնական վճիռ կայացրել է Լոնդոնից վերադառնալուց 4 տարի հետո: Սակայն արվեստաբաններից շատերը պնդում են, որ այդ քաղաքը նրան փոխեց ընդմիշտ:
Չնայած լոնդոնցիների այս մոտեցմանը, նշենք, որ Վան-Գոգը այդ քաղաքի հետ առնչվող միայն մեկ նկար է ստեղծել, այն էլ տեղի բանտի մասին: «Բանտարկյալների զբոսանքը» հայտնի կտավը նա նկարեց, ընդամենը, իր մահից մի որոշ ժամանակ առաջ: Այդ ստեղծագործության հիմքում նկարիչը դրել է Գյուստավ Դորեի «Օսթռոգ» փորագրությունը:
Իսկ, ընդհանրապես, այս կտավի մասին տարածված է այն կարծիքը, որ Վան-Գոգը Լոնդոնում գտնվելու ժամանակաշրջանում շատ է սիրել զբոսնել քաղաքում և իր մեջ պահպանել է նաև տեղի բանտերի մասին հիշողություն...
Հավելենք, որ Լոնդոնյան այս ցուցահանդեսում կարելի է հետևել նաև, թե ինչպիսին է եղել Վան-Գոգի արվեստի ազդեցությունը բրիտանացի արվեստագետների վրա, որոնցից մեկն էլ Ֆրենսիս Բեկոնն է, որը հանճարեղ հոլանդացու գործերի տպավորությամբ վրձնել է մի շարք դիմանկարներ:
.jpg)
