Վ. Մեդինսկի. «Մեր արտիստները իսկական քաղաքացիներ են» 03.19.2014
Վերջին մեկ ամսվա ընթացքում, ոգևորված հայրենասիրական զգացմունքներով, մեծաթիվ ռուսական արտիստներ Ղրիմում հանդես էին գալիս միայն անվճար համերգներով: Այդ մասին իր տարածած տեղեկատվության մեջ նշում է «ԻՏԱՐ-ՏԱՍՍ»-ը՝ հղում անելով «Իզվեստիա» պարբերականին ՌԴ Մշակույթի նախարար Վլադիմիր Մեդինսկու տված հարցազրույցին:
«Ելույթ ունենալու ցանկություն ունեցողների թիվը զարմանալի էր: Դա մարդկանց բնական մղում էր՝ գնալ և սատար կանգնել: Արտիստները համերգներ էին տալիս հրապարակներում, ամբողջ կղզով մեկ տարածված հանպատրաստից բեմերի վրա: Ոչ մի ռուսաստանցի արտիստ, ով վերջին մեկ ամսվա ընթացքում հանդես է եկել Ղրիմում, ոչ մի կոպեկ չի ստացել: «Վճարեք ինձ հոնորար» արտահայտությունը այդ ամսվա ընթացքում անգամ մեկ անգամ չի հնչել: Մեր արտիստները Ռուսաստանի իսկական քաղաքացիներ են»,- ասել է Մեդինսկին:
Նախարարը առաջին հերթին նշել է «Լյուբե» համույթին: Ըստ մշակույթի ոլորտի ղեկավարի դիտարկման այդ հանրաճանաչ խումբը մեկ օրվա ընթացքում հանդես է եկել սկզբում Սիմֆերոպոլում, ապա՝ Սևաստոպոլում:
«Իզվեստիան» նշում է, որ վերջին մի քանի շաբաթների ընթացքում բազմաթիվ ռուսական մշակութային կոլեկտիվներ են հանդես եկել Ղրիմում անվճար ելույթներ ունենալու նախաձեռնությամբ: Այդ նույն սկզբունքով շատ միջոցառումների մասնակցել են նաև տեղի մշակութային խմբեր:
Նշենք, որ հայրենասիրական մղումներով թե Ղրիմ ժամանած և թե տեղացի արտիստները հանդես են եկել նաև զիվորական զորամասերում և նույնիսկ պահակակետերում: Իսկ որոշ մշակութային գործիչներ էլ, բացի ելույթներից, ղրիմցիներին նաև նյութական աջակցություն են ցուցաբերել:
Վերջին մեկ ամսվա ընթացքում, ոգևորված հայրենասիրական զգացմունքներով, մեծաթիվ ռուսական արտիստներ Ղրիմում հանդես էին գալիս միայն անվճար համերգներով: Այդ մասին իր տարածած տեղեկատվության մեջ նշում է «ԻՏԱՐ-ՏԱՍՍ»-ը՝ հղում անելով «Իզվեստիա» պարբերականին ՌԴ Մշակույթի նախարար Վլադիմիր Մեդինսկու տված հարցազրույցին:
«Ելույթ ունենալու ցանկություն ունեցողների թիվը զարմանալի էր: Դա մարդկանց բնական մղում էր՝ գնալ և սատար կանգնել: Արտիստները համերգներ էին տալիս հրապարակներում, ամբողջ կղզով մեկ տարածված հանպատրաստից բեմերի վրա: Ոչ մի ռուսաստանցի արտիստ, ով վերջին մեկ ամսվա ընթացքում հանդես է եկել Ղրիմում, ոչ մի կոպեկ չի ստացել: «Վճարեք ինձ հոնորար» արտահայտությունը այդ ամսվա ընթացքում անգամ մեկ անգամ չի հնչել: Մեր արտիստները Ռուսաստանի իսկական քաղաքացիներ են»,- ասել է Մեդինսկին:
Նախարարը առաջին հերթին նշել է «Լյուբե» համույթին: Ըստ մշակույթի ոլորտի ղեկավարի դիտարկման այդ հանրաճանաչ խումբը մեկ օրվա ընթացքում հանդես է եկել սկզբում Սիմֆերոպոլում, ապա՝ Սևաստոպոլում:
«Իզվեստիան» նշում է, որ վերջին մի քանի շաբաթների ընթացքում բազմաթիվ ռուսական մշակութային կոլեկտիվներ են հանդես եկել Ղրիմում անվճար ելույթներ ունենալու նախաձեռնությամբ: Այդ նույն սկզբունքով շատ միջոցառումների մասնակցել են նաև տեղի մշակութային խմբեր:
Նշենք, որ հայրենասիրական մղումներով թե Ղրիմ ժամանած և թե տեղացի արտիստները հանդես են եկել նաև զիվորական զորամասերում և նույնիսկ պահակակետերում: Իսկ որոշ մշակութային գործիչներ էլ, բացի ելույթներից, ղրիմցիներին նաև նյութական աջակցություն են ցուցաբերել:
.jpg)
