Քաղաքակրթական ներուժը կեցության բարձրագույն արժեք է:

Հրապարակվել են «Էմմի» մրցանակաբաշխության թեկնածուների անունները

07.11.2014

ԱՄՆ-ի հեռուստատեսային արվեստի և գիտության ակադեմիան այսօր՝ հուլիսի 10-ին Լոս-Անջելոսում հայտարարել է առավել դիտվող ժամերին (Primetime)-ին 2014թ.-ի «Էմմի» մրցանակի թեկնածու հեռուստատեսային ծրագրերը: Այդ մասին «newsru.com»-ի տեղեկատվությունը փոխանցում է «taglur.am»-ը:

Ծրագրեր թողարկողներից առաջատարը կաբելային «HBO» ալիքն է 99 անվանակարգերով, որոնցից 19-ը վերաբերում է «Գահերի խաղ» սերիալին: Այդ մասին տեղեկացնում է «Reuters»-ը:

«Գահերի խաղ»-ին անվանակարգերի ներկայացվածության քանակով հաջորդում է «Ամեն ինչի մեջ՝ ինչը ծանր է» սերիալն՝ իր 16 մրցանակ ստանալու հավակնություններով:

«HBO» ալիքից բավականաչափ ետ մնալով ընթանում է «Netfix» ընկերությունը, որը մասնագիտացված է հարցումների միջոցով ֆիլմերի և սերիալների մատակարարման մեջ: Այն ներկայացվել է 31 անվանակարգերով, որոնցից 13-ը քաղաքական «Ստվարաթղթե տնակ» թրիլլերի, 12-ը՝ «Նարնջագույնը՝ սեզոնի հիթ» սև բանտային կատակերգության համար:

«Լավագույն դրամատիկական սերիալ» անվանակարգում ներկայացվել են 6 ՝ «Ամեն ինչի մեջ՝ ինչը ծանր է», «Դաունթաունի աբբայությունը», «Գահերի խաղ»-ը, «Ստվարաթղթե տնակ»-ը, «Խելապակասները» և «Իսկական դեդեկտիվ հեռուստաշոուները:

«Լավագույն կատակերգական սերիալ» անվանակարգում ներկայացվել են «Լուի», «Ամերիկյան ընտանիք», Նարնջագույնը՝ սեզոնի հիթ», «Սիլիկոնե հովիտ», «Մեծ պայթյունի տեսությունը» և «Փոխնախագահ» հեռուստասերիալները:

«Հեռուստաֆիլմեր» անվանակարգում մրցանակի է ներկայացվել նաև բրիտանական «Շերլոկ» սերիալի մեկ սերիան, որը ունի «Նրա հրաժեշտի երդումը» վերնագիրը:

«Էմմի» մրցանակաբաշխությունը, որը թվով 66-րդն է, կկայանա օգոստոսի 25-ին:

«Էմմի»-ն ամերիկյան հեռուստատեսային մրցանակ է, որը համարվում է հեռուստատեսային «Օսկար»: Այն անցկացվում է ամեն տարի և իր մեջ է ընդգրկում հեռուստաարդյունաբերության մի քանի ոլորտ: Կան «սպորտային», «տեխնիկական», «նորությունների և վավերագրության» և այլ մրցանակներ: Առավել հեղինակավոր են համարվում «Առավել դիտվող ժամերի» (Primetime) և «Ցերեկային» մրցանակները: Ասենք, որ սկսած հիմնադրման օրից՝ 1949թ.-ից մինչև 1974թ.-ն կար միան մեկ պարզ «Էմմի» մրցանակ: Այնուհետև այն բաժանվեց «Primetime» և «Ցերեկային» մրցանակների:
    Դիտվել է 411 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393>>հաջորդ