Քաղաքակրթական ներուժը կեցության բարձրագույն արժեք է:

Մեկնարկել է Վառնայի «Պարային օլիմպիադան»

07.17.2014

«Վառնայի բալետի միջազգային մրցույթը», որը 2014թ.-ին նշում է հիմնադրման 50 ամյակը, կրկին մեկնարկեց Բուլղարիայի հայտնի ծովափնյա հանգստավայրում: Այդ մասին «ԻՏԱՐ-ՏԱՍՍ»-ի տեղեկատվությունը փոխանցում է «taglur.am»-ը:

Հոբելյանական «Պարային օլիմպիադայի» ժյուրին գլխավորում է փառաբանված պարող և պարուսույց, ԽՍՀՄ ժողովրդական արտիստ Վլադիմիր Վասիլևը:

«Ես այս մրցույթին գործնականում մասնակցության եկա առանց նախնական որևէ պատրաստության և հասա յուրահատուկ արդյունքի՝ նվաճեցի գլխավոր մրցանակը: Ես ուրախ եմ, որ մրցույթը շարունակվում է: Ես մաղթում եմ, որ այն գոյատևի անսահման, քանի դեռ ապրում է թեկուզ մեկ մարդ, ով սիրում է պարը»,- հիշելով 50-ամյա վաղեմության անցյալը ասել է Վ. Վասիլևը:

Նա հիշեցրել է, որ Վառնայի մրցույթը աշխարհում իր տեսակի մեջ առաջին միջազգային ստուգատեսն է: Այն ծնվել է շնորհիվ բուլղարացի հայտնի դիրիժոր Էմիլ Դիմիտրովի համառության, ով երկար ժամանակ հանդիսանում էր միջոցառման անփոփոխ տնօրենը:

Հոբելյանական ստուգատեսին մասնակցելու համար Բուլղարիա են ժամանել 30 երկիր ներկայացնող 127 պարող և պարուհի: Այն կտևի երկու շաբաթ, կընթանա 3 փուլով և կանցկացվի մեծերի և փոքրերի տարիքային խմբերով:

Մրցույթը հովանավորվում է UNESCO-ի կողմից:
    Դիտվել է 904 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142