Քաղաքակրթական ներուժը կեցության բարձրագույն արժեք է:

Օպերա ծնված «Կախարդական սրինգը» առաջին անգամ բեմ կբարձացվի որպես բալետ

09.18.2014


Աշխարհում առավել շատ կատարվող օպերաներից մեկը՝ Մոցարտի «Կախարդական սրինգը» հիմք է հանդիսացել բալետային ներկայացման համար և այդ բեմադրությամբ կբացվի Մոսկվայի Կրեմլի դահլիճում սեպտեմբերի 18-ին մեկնարկելիք բալետի միջազգային 3-րդ փառատոնը: Այդ մասին հաղորդում է «taglur.am»-ը՝ հղում անելով «ԻՏԱՐ-ՏԱՍՍ»-ին:

Այս անգամ փառատոնը նվիրված է «Կրեմլյան բալետ» թատրոնի 25 ամյակին: Հոբելյանական թատերաշրջանում թատերախումբը ղեկավարում են Ռուսաստանի ժողովրդական արտիստ, խորեոգրաֆ Անդրեյ Պետրովը, իսկ գեղարվեստական ղեկավարը և գլխավոր բալետմեյստեր է նշանակվել ՌԴ ժողովրդական արտիստ Անդրիս Լիեպան:

Նշենք, որ Մոցարտի հայտնի օպերայի թեմաներով բալետը բեմադրել է «Կրեմլյան բալետ» թատրոնի հիմնադիրն ու այսօրվա ղեկավարը՝ Անդրեյ Պետրովը: Սա այս թատերախմբի համար նրա հեղինակած 16-րդ ներկայացումն է:

Անդրեյ Պետրովը տեղեկացրել է, որ կրեմլյան ստուգատեսի ծրագրում ընդգրկված են նաև այնպիսի ներկայացումներ, ինչպիսիք են «Կարապի լիճը«, «Ժիզելը», «Դոն Կիխոտը», «Քնած գեղեցկուհին», «Ռոմեո և Ջուլիետը», «Կորսարը» և «Ձյունանուշը»: Այդ ներկայացումներում հանդես են գալու ինչպես ռուսաստանցի այնպես էլ Իտալիայից, Նիդերլանդներից, Մեծ Բրիտանիայից, և Նորվեգիայից ժամանած արտիստներ:

Փառատոնը կտևի մինչև սեպտեմբերի 30-ը:
    Դիտվել է 863 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204