Քաղաքակրթական ներուժը կեցության բարձրագույն արժեք է:

«Ոսկե դիմակը» կինոդահլիճները կդարձնի յուրահատուկ թատերական միջավայր

02.14.2015


Մարտի 6-ից ապրիլի 26-ին կայանալիք «Ոսկե դիմակ» մրցանակաբաշխությունն այս տարի ուղիղ հեռարձակմամբ կցուցադրվի նաև երկրի ամենատարբեր քաղաքների կինոթատրոններում: Այդ մասին հաղորդում է «taglur.am»-ը՝ հղում անելով «coolconnections.ru»-ին:

«Ոսկե դիմակը կինոյում» նախագիծը, որը ՌԴ մշակույթի նախարարության օժանդակությամբ ներկայացնում են այդ երկրի ազգային թատերական փառատոնը, «CoolСonnections» արթ-ընկերությունը, յուրահատուկ թատերական ձեռնարկ է, որը նպատակ ունի ռուսաստանյան առավել վառ բեմադրությունները ներկայացնել հնարավորինս առավել մեծ լսարանի: Այս ծրագրի միջոցով, փաստորեն, փառատոնում երկրի առաջատար թատրոնների մրցույթին մասնակցող լավագույն բեմադրությունները հասանելի կդառնան, նույնիսկ, ամենահեռավոր տարածաշրջանների թատերասերներին:

Ներկայացումների հեռարձակումներից առաջ թատրոնի և բալետի հայտնի արտիստները կինոհանդիսատեսներին կծանոթացնեն թատրոնների անդրկուլիսներին, ցուցադրվելիք ներկայացման և համապատասխան թատրոնի պատմությանը, հարցազրույցներ կանցկացնեն բեմադրությունում ընդգրկված արտիստների հետ:

Թատրոնի ամենագրավիչ կողմերից մեկը դերասան-հանդիսատես անմիջական շփման հնարավորությունն է, նույն թատերական տարածքում նույն պահին միևնույն գործողության հետ երկու կողմերի միջև ձևավորված ակտիվ հաղորդակցման առկայությունը:

«Ոսկե դիմակը կինոյում» նախագծի հանդիսատեսները թատերական գործողության մասնակցի պատրանքը և զգացումը հնարավորություն կունենան վերապրել միաժամանակ՝ բոլոր նրանց հետ, ովքեր հենց այդ նույն պահին նստած են թատրոնի դահլիճում:
    Դիտվել է 674 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137