Քաղաքակրթական ներուժը կեցության բարձրագույն արժեք է:

Այսօր Մոսկվան հրաժեշտ է տալիս ռուս մեծ մտավորականին

03.17.2015


«Կյանքի 78-րդ տարում մեզնից հեռացած գրող Վալենտին Ռասպուտինը ժողովրդի խիղճն էր և մարդ, ով ցավով էր վերաբերվում այն ամենին, ինչը խարխլում է ռուսական աշխարհակարգը: Նրա անունը հավերժ կարտացոլվի ռուսական մշակույթի պատմության մեջ»: Օրերս վախճանված գրչի նշանավոր վարպետի մասին այսպիսի խոսքեր է ասել Ռուսաստանի թատերական գործիչների միության նախագահ Ալեքսանդր Կալյագինը:

Այսօր Մոսկվայի Քրիստոս Փրկիչ եկեղեցում կայանում է գրողի հետ վերջին հրաժեշտի արարողությունը:
«Նա ռուս գրող էր, իսկ դա նշանակում է, որ նա միայն մեծ գրականագետ չէր: Բոլոր ժամանակներում նա եղել է ժողովրդի խիղճը»,- նշել է Կալյագինը:

Գրողի հոգեհանգիստը կկայանա չորեքշաբթի օրը, Մոսկվայի նույն տաճարում, որտեղ այսօր կատարվում է հրաժեշտի արարողությունը: Դրանից հետո նրա մարմինը կտեղափոխվի Իրկուտսկ և տեղի հայտնի մենաստանում Իրկկուտսկի նրա հայրենակիցները իրենց հրաժեշտը կտան գրողին:

Համաձայն իր ցանկության Վալենտին Ռասպուտինի մարմինը կհուղարկավորվի 2006 թ.-ին ավիավթարի ժամանակ զոհված իր դստեր շիրիմի հարևանությամբ:
    Դիտվել է 729 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134