Քաղաքակրթական ներուժը կեցության բարձրագույն արժեք է:

Նոր մեդիադարանի առաջին միջոցառումը նվարված է Պիտեր Բրուկի «Մահաբհարատա»-ին

09.17.2013

Սեպտեմբերի 21-ին Մոսկվայում, «Գոգոլ- կենտրոնում» կկայանա «Թաթերական մեթոդիակայի» ներկայացում, որը բաց կլինի բոլոր ցանկացողների համար:

Դասական մակարդակի հասած սիրված բեմադրությունների արխիվային ձայնագրություններին, որոնք ի մի են բերվել մասնավոր և պետական հավաքածուներից, հնարավոր կլինի ծանոթանալ ինչպես անհատական կարգով, այնպես էլ հանրային դասախոսությունների և դիտումների ժամանակ, որոնք ամիսը մեկ անգամ պետք է անցկացնի «Թատրոն» հանդեսի գլխավոր խմբագիր և մեդիադարանի ղեկավար Մարինա Դավիդովան:

Առաջին դասախոսությունը նվիրված է Պիտեր Բրուկի «Մահաբհարատա» ներկայացմանը, որը կկայանա առաջիկա շաբաթ օրը: Ունկնդիրները կիմանան ռեժիսորների մեջ հնդկական մշակույթի նկատմամբ հետաքրքրության առաջին ալիքի մասին և կդիտեն բազմաժամյա էպոպեայից առանձին հատվածներ:

Մարդկության ճակատագրի մասին պատմող հսկայական միֆաբանաստեղծական ներկայացման նախապատրաստության համար Բրուկը հավաքել էր 30 հոգուց կազմված դերասանական խումբ: Նրանք ապրել են Հնդկաստանում, Պակիստանում, Հիմալայներում՝ հեռավոր գյուղերում, քաղաքակրթությունից կտրված: Կարդացել են հին տեքստեր, զբաղվել են յոգայով և մեդիտացիայով: Նրանցից յուրաքանչյուրի մեջ տեղի են ունեցել ներքին փոփոխություններ: Իսկ երբ նրանք հասունացել են իրենց դերերի համար, հասունացել է նաև ներկայացումը:

«Տարբեր երկրներից ժամանած դերասանները, հավաքվելով միասին, ի վիճակի են ջարդել կարծրատիպերը՝ որոնք տիրապետում են նրանց մշակույթներում,- գրել է Պիտեր Բրուկը:- Հենց այդ ժամանակ էլ մեզ կհաջողվի նրանց օգնությամբ տեսնել իսկական ազգային մշակույթները, որոնք մինչ այդ ծածկված էին պայմանականությունների բլուրների տակ: Եվ դրանցից յուրաքանչյուրը մեր առաջ կբացի նախկին չնկատաված մարդկային ատլասի ինչ-որ մի նոր մաս... Թատրոնը հենց այն տեղն է, որտեղ խճանկարի առանձնացված հատվածներից ձևավորվում է միասնական կերպարը»:
    Դիտվել է 994 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133