Քաղաքակրթական ներուժը կեցության բարձրագույն արժեք է:

Ֆեն Սյանչժեն : «Փաթաթվեց և ձեռքերի վրա օդ բարձրացրեց: Նա այնքան բարձրահասակ էր և մեծ»

01.15.2016


Պեկինի «Բաո-լի» թատրոնում բեմադրվել է հետխորհրդային տարածքի կինոսիրողներին լավ հայտնի «Ծառայողական սիրավեպ» կինոնկարի բեմական տարբերակը: Այդ մասին տեղեկացնում է «taglur.am»-ը հղում անելով «teatral-online.ru»-ին:
Չին արտիստներն իրենց նոր աշխատանքը նվիրել են ռուս կինոռեժիսոր Էլդար Ռյազանովի նշանավոր ֆիլմը չինական վարձույթի շուկա դուրս բերելու 30-ամյակին:

Ներկայացումը բեմադրել է ռուս ռեժիսոր Ալեքսանդր Կուզինը: Նա նշել է, որ մարդկային հարաբերությունների դեֆիցիտի մասին այս հետաքրքրական պատմությունը, ինչպես ցույց է տալիս հանդիսատեսների վերաբերմունքը, հաջողվել է: Նշենք, որ նախապատրաստական ողջ գործընթացը կատարվել է թարգմանիչի միջոցով՝ մեկ ամսվա ընթացքում:

Չինական տարբերակում գործողությունը ծավալվում է ոչ թե Մոսկվայում կամ Պեկինում, այլ պայմանական մեգապոլիսում: Այստեղ նույնպես բնությունը չունի վատ եղանակ, իսկ ապահովագրական գործակալության տնօրեն Կալուգինան մռայլ, չխոսկան, «կաղապարված» կին է: Այդ դերը կատարում է չին դերասանուհի Ֆեն Սյանչժենը: Իսկ Նովոսելցովի կերպարը մարմնավորում է Խան Թունշենը:

Այս երկու արտիստները Չինաստանում նույն կարգավիճակն ու համբավն ունեն, ինչ նույն դերերը կինոյում մարմնավորած Ալիսա Ֆրենդլիխը և Անդրեյ Մյագկովը՝ Ռուսաստանում: Ի դեպ, այս ռուս դերասանների մասնակցությամբ բոլոր չինական կրկնօրինակված ֆիլմերում հնչում են հենց Ֆեն Սյանչժենի և Խան Թունշեի ձայները:

Մենք ծանոթացել ենք 1985թ.-ին: Ռյազանովը մեզ գովեց, թե ինչպես ենք կրկնօրինակել «Ծառայողական սիրավեպ»-ը և «Կայարան երկուսի համար»-ը: Փաթաթվեց և ձեռքերի վրա օդ բարձրացրեց: Նա այնքան բարձրահասակ էր և մեծ: Իսկ Ֆրեյնդլիխը ասաց, որ իր և իմ Լյուդմիլա Պրոկոֆևնան շատ նման են»,- ասել է դերասանուհի Ֆեն Սյանչժենը:

«Ծառայողական սիրավեպ» կինոնկարը Չինաստանում տարեկան ցուցադրվում է մի քանի անգամ՝ տոնական օրերին:

«Իմ համար այս պատմությունը դասական է: Այն չի հնացել: Ռյազանովը և, ընդհանրապես, ողջ ռուսական մշակույթը շատ են ազդել իմ վրա: Հավատացեք, չինացիներին այստեղ ամեն ինչ հասկանալի է, մեր այն ժամանակվա հիմնախնդիրները և հասարակությունը շատ նման են եղել»,- նշել է դերասան Խան Թունշեն:

Պեկինում պրեմիերային ցուցադրություններից հետո «Ծառայողական սիրավեպ»-ը հյուրախաղերով կներկայացվի նաև Չինաստանի այլ քաղաքներում:
    Դիտվել է 679 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178