Քաղաքակրթական ներուժը կեցության բարձրագույն արժեք է:

Խաղացանկից հանված ներկայացումը քննադատները համարել են «Տարվա ներկայացում»

12.19.2016

Ռուսաստանի թատերական քննադատների ասսոցիացիան «Տարվա մարդ» է ճանաչել Կոնստանտին Ռայկինին, իսկ «Տարվա ներկայացում» է անվանել «Լենկոմ» թատրոնում Կոնստանտին Բոգոմոլովի բեմադրած «Իշխանը» ներկայացումը: Այդ մասին տեղեկացնում է «taglur.am»-ը՝ հղում անելով «РИА новости»-ին:

Հիշեցնենք, որ այս տարի Կոնստանտին Ռայկինը Ռուսաստանի թատերական գործիչների համագումարում հանդես էր եկել գրաքննության տարբեր դրսևորումների դեմ սուր և համարձակ ելույթով և այդ հարցում մեղադրել երկրի իշխանությունների վարած քաղաքականությունը: Դրան արձագանքել էին և իշխանության և մտավորականության բազմաթիվ ներկայացուցիչներ:

Իսկ Կոնստանտին Բոգոմոլովի «Իշխանը» բեմադրությունը «Լենկոմ» թատրոնում՝ ըստ Դոստոևսկու «Ապուշը» վեպի, այս տարվա ապրիլին մեծ անշլագներով ցուցադրվելուց հետո, վերջերս հանվեց խաղացանկից՝ տոմսերը լավ չվաճառվելու պատճառաբանությամբ:


Ռուսաստանի թատերական քննադատների ասսոցիացիան մասնագիտական միավորում է, որ հիմնադրվել է 2015թ.-ին: Այնտեղ ի մի են հավաքված տարբեր թատրոնի 150 պրոֆեսիոնալներ զանազան քաղաքներից: «Տարվա մարդ» և «Տարվա ներկայացում» մրցանակներն առաջին անգամ շնորհվել է 2015թ.-ին: Այդ ժամանակ տարվա մարդ էր ճանաչվել «Տեատր. doc »-ի տնօրեն Ելենա Գրեմինան, իսկ լավագույն ներկայացում՝ Տիմոֆեյ Կուլյաբիբինի բեմադրած «Երեք քույրերը» ներկայացումը՝ Նովոսիբիրսկի «Կրասնի Ֆակել» թատրոնում:
    Դիտվել է 704 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193