Քաղաքակրթական ներուժը կեցության բարձրագույն արժեք է:

Մեկնարկել է զբոսաշրջիկներին հասցեագրված բալետային փառատոնը

07.03.2017


Մոսկվայում 17-րդ անգամ մեկնարկել է «Ամառային բալետային սեզոններ» փառատոնը, որին մասնակցում են ինչպես Ռուսաստանի տարբեր քաղաքներից, այնպես էլ արտասահմանից ժամանած խմբեր: Այդ մասին տեղեկացնում է «taglur.am»-ը՝ հղում անելով «РИА новости»-ին:

Այս տարի այս նախագիծը գործողության մեջ կլինի երկու ամիս, կներկայացվի ընդհանուր առմամբ 62 ներկայացում և կեզրափակվի օգոստոսի 29-ին:

Փառատոնը բացվել է Չայկովսկու հայտնի «Կարապի լիճը» դասական բալետով, որը ներկայացվել է Մոսկվայում ավելի քան 20 տարի ելույթի հնարավորություններից ինչ-ինչ պատճառներով զրկված Վորոնեժի օպերայի և բալետի թատրոնը: Ընդհանուր առմամբ նրանք կներկայացնեն 8 դասական բալետ, 8-ն էլ բեմադրված ակադեմիական, դասական ոճով:

Փառատոնում Չայկովսկու «Կարապի լիճը» կցուցադրվի նաև այլ ձևաչափով: Իտալիայից այստեղ կժամանեն «Compagnia Nazionale» թատրոնի արտիստները և իրենց ղեկավար Լուիջի Մարտելլետտեի գլխավորությամբ կցուցադրեն ժամանակակից խորեոգրաֆիայի աշխատանքներ: Բացի «Կարապի լիճը» բալետի ժամանակակից մեկնաբանությունից նրանք կցուցադրեն նաև «Տանգոյից մինչև բոլերո» բալետը:

Սա նշանակում է, որ դասական բալետ ցուցադրելու մտահղացմամբ ստեղծված փառատոնը այս տարի ընդարձակում է իր ներկապնակը նաև նոր ձևաչափերի տիրույթում:

Ասենք, որ «Ամառային բալետային սեզոններ» փառատոնը հիմնականում մտահղացվել է որպես պոտենցիալ հանդիսատես նկատի ունենալով արտասահմանցի զբոսաշրջիկներին, ովքեր Մոսկվա են ժամանում թատերական սեզոնն ավարտվելուց հետո՝ ամռանը:

Սակայն այսօր այս փառատոնն իր հարուստ ու բազմազան ծրագրով և գեղարվեստական մակարդակով գրավել է ոչ միայն զբոսաշրջիկների, այլև մոսկվացիների ուշադրությունը:

Ըստ փառատոնի տնօրինության հաշվարկների անցած 16 միջոցառումների ընթացքում իրենց ներկայացումները դիտել են 600 հազար մարդ: Այս տարի «Ամառային բալետային սեզոնները» հիմնականում տեղի կունենա Մոսկվայի ռուսական երիտասարդական թատրոնում:
    Դիտվել է 735 անգամ
    12345678910111213141516171819202122232425262728293031323334353637383940414243444546