Քաղաքակրթական ներուժը կեցության բարձրագույն արժեք է:

Հանդիսավորությամբ նշել են օպերային թատերախմբի ստեղծման 100-ամյակը

03.22.2018


Նախօրեին՝ մարտի 21-ին, Սանկտ-Պետերբուրգի Միխայլովյան թատրոնը հանդիսավորությամբ նշել է իր օպերային թատերախմբի ստեղծման 100-ամյակը: Այդ մասին տեղեկատվությունը փոխանցում է «taglur.am»-ը՝ հղում անելով «ՏԱՍՍ»-ին:

Հոբելյանի առթիվ կայացած գալա համերգին արտիստները կատարել են համարներ այն ներկայացումներից, որոնք թատրոնը ցուցադրել է Հոկտեմբերյան հեղափոխությունից հետո իր գործունեությունը վերսկսելու շրջանում: Հենց այդ նոր մեկնարկային տարեթիվն էլ՝ 1918թ.-ի մարտի 6-ը, համարվում է Միխայլովյան թատրոնի օպերային խմբի ծննդյան թվականը:

Այդ ժամանակ ցուցադրվել է Ջակոմո Ռոսինիի «Սևիլյան սափրիչը» օպերան:

Սանկտ-Պետերբուրգի Միխայլովյան թատրոնը գտնվում է Արվեստների հրապարակում, Միխայլովյան պալատի հարևանությամբ, որտեղ այժմ գտնվում է Ռուսական թանգարանը: Թատրոնը բացվել է 1833թ.-ի նոյեմբերի 8-ին: Այստեղ հիմնականում հանդես էին գալիս ֆրանսիացի և գերմանացի դերասաններ: Միխայլովյան թատրոնի նվագախումբը բազմիցս հանդես է եկել ավստրիացի մեծ կոմպոզիտոր, վալսերի արքա Յոհան Շտրաուսի ղեկավարությամբ:

1917թ.-ի հեղափոխությունից հետո արտասահմանցի արտիստները հեռացել են Ռուսաստանից, իսկ թատրոնի առաջ խնդիր է ծագել ստեղծել սեփական թատերախումբը, ինչն էլ հաջողությամբ իրականացվել է 1918թ.-ի մարտի 6-ին:
    Դիտվել է 870 անգամ