Քաղաքակրթական ներուժը կեցության բարձրագույն արժեք է:

Ներկայացումները դիտելու համար հանդիսատեսները կօգտվեն հատուկ տրանսպորտից

11.15.2013

Նոյեմբերի 12-ին Ֆրանսիայի հյուսիսում, Էվրե քաղաքում մեկնարկեց «Աշունը Նորմանդիայում» թատերական փառատոնը: Միջոցառման ընթացքում հանդիսատեսին կներկայացվեն 42բեմադրություն, որոնց թվում են այնպիսի վարպետների աշխատանքներ, ինչպիսիք են՝ Քրիստիան Լյուպան, Սաշա Վոլցը, Դայսուկե Մուրան, Պասկալ Լամբերը, Ռոբերտո Կանտարելոն: Ներկայացումներից բացի, փառատոնի շրջանակներում հանդիսատեսների ուշադրությանը կներկայացվի նաև ժամանակակից երկու նկարիչների՝ Պիեռի և Ժյուլի աշխատանքների ցուցահանդեսը:

Իսկ այսօր, նոյեմբերի 15-ին կբացվի ևս մի խոշոր թատերական փառատոն:

«NEXT» խորագիրը կրող այս միջոցառումը միաժամանակ տեղի կունենա երկու երկրներում՝ Ֆրանսիայում և Բելգիայում: «NEXT»-ի մասնակիցներրը իրենց թատերախաղերը կցուցադրեն այդ երկու երկրների 12 քաղաքներում:

Ի դեպ, փառատոնի օրերին հանդիսատեսների համար համեմատաբար ցածր գներով նախատեսված են հատուկ տրանսպրտային փոխադրամիջոցներ, որպեսզի նրանք ներկայացումները դիտելու համար կարողանան ազատ տեղաշարժվել փառատոնը հյուրընկալող քաղաքների միջև:

Նշենք, որ նոյեմբերի 12-ին Էվրե քաղաքում փառատոնը բացվել է Մոսկվայի Ազգերի թատրոնի բեմադրած «Ֆրեկեն Ժյուլի» ներկայացմամբ: Այդ նույն ներկայացմամբ այսօր, ֆրանսիական Վիլնև դԱսք քաղքի «La Rose Des Vents» թատրոնում կմեկնարկի նաև «NEXT» փառատոնը:

«Ֆրեկեն Ժյուլի»-ն բեմադրել է Թոմաս Օստենմայերը: Ներկայացումը կընթանա երկու (ֆրանսերենի և հոլանդերեն) լեզուների սինքրոն թարգմանությամբ:

Հատկանշական է նաև այն, որ «NEXT» փառատոնը կողմնորոշված է դեպի պլաստիկ, պարային և երաժշտական թատրոնը:

Բավական է նշել, որ միջոցառման մասնակիցների թվում են պլաստիկ թատրոնի այնպիսի ներկայացուցիչներ, ինչպիսիք են Աքրամ Խանն իր նոր՝ «iTMOi» պարային ներկայացմամբ և Յան Ֆաբրը՝ «Բարեկամության ողբերգությունը» օպերայով:
    Դիտվել է 956 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183