Քաղաքակրթական ներուժը կեցության բարձրագույն արժեք է:

Վերնագիրը ոչինչ չասող մի բառ է, որը ատամների արանքից նետում է պիեսի հերոսը

11.01.2018

Մոսկվայի «Տեատր.դոկ» թատրոնում այսօր պրեմիերա է: Հանդիսատեսին կներկայացվի «Մամույդի» ներկայացումը, որի մտահղացման հեղինակը մի քանի ամիս առաջ կյանքին հրաժեշտ տված թատրոնի համահիմնադիր Ելենա Գրեմինան է: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

«Մամույդին» ինչ-որ էակ չի: Սա բառ է, որը ատամների արանքից հաճախ նետում է պիեսի գլխավոր հերոսը՝ Համլետը:

Ըստ պատումի, հեռուստատեսությունում լավ կարիերայի հիմքեր նետած երիտասարդի մոտ է գալիս բանտում երկար ժամանակ ազատազրկման դատապարտված մայրը: Որդին չի հիշում մորը և ցանկություն չունի մորն ընդունել իր խրուշչովյան բնակարանում, որը նեղ է նաև իր համար: Սակայն մայրը հաստատակամ վճիռ է կայացրել՝ կյանքի մնացած ժամանակահատվածը անցկացնել հենց այստեղ և լրացնել որդու դաստիարակության բացթողումները:

Միանգամայն միմյանց օտար և տարբեր արժեքներ դավանող երկու մարդիկ, որոնց կապում է միայն արյան ընդհանրությունը, ստիպված են գոյատևել միևնույն տանիքի տակ: Սա, բնականաբար, փոխում է երկուսին էլ: Դրան նպաստում է նաև այն հանգամանքը, որ այստեղ են հայտնվում նաև մոր անցյալից ժամանած մարդիկ...

Սեփական տանիքը չունեցող ոչ պետական «Տեատր.դոկ» թատրոնը իր պրեմիերան կցուցադրի Մեյերհոլդ կենտրոնի «Սև դահլիճում»:




Լուսանկարն՝ ըստ հղման աղբյուրի:

Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;
Հեռ.: 099.31.74.60
էլ. Փոստ: taglur@yahoo.com
    Դիտվել է 482 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188