Քաղաքակրթական ներուժը կեցության բարձրագույն արժեք է:

Վախճանվել է Վլադիմիր Էտուշը

03.09.2019

96 տարեկան հասակում Մոսկվայում մահացել է թատրոնի և կինոյի արտիստ, ԽՍՀՄ ժողովրդական արտիստ Վլադիմիր Էտուշը: Այդ մասին դերասանի դստեր տարածած տեղեկատվությունը ռուսական լրատվամիջոցներին փոխանցում է «taglur.am»-ը:

Հայտնի դերասանին հետխորհրդային տարածքում ճանաչում են, որպես կատակերգության և վերակերպավորման հիանալի վարպետի:

Հանդիսատեսների լայն շրջանակներին նա հայտնի է ռեժիսոր Լեոնիդ Գայդայի «Կովկասի գերուհին կամ Շուրիկի նոր արկածները» (1966թ.) և խորհրդային չինովնիկ Սաախովի, «Իվան Վասիլևիչը փոխում է մասնագիտություն» (1973թ.) ֆիլմերում Անտոն Սեմյոնովիչ Շպակի մարմնավորած կերպարներով, «Բելոռուսֆիլմ» ստուդիայում Լեոնիդ Նեչաևի բեմադրած «Ոսկե բանալին կամ Բուրատինոյի արկածները» (1975թ.) ֆիլմում Կառաբաս-Բառաբասի դերակատարմամբ և էլի մի քանի տասնյակ կինոնկարներից:

Նա հսկայական ավանդ ունի նաև մոսկովյան մի շարք թատրոններում և մասնագիտական կրթական հաստատություններում իրականացրած իր աշխատանքներով:

Վլադիմիր Էտուշը երկրորդ աշխարհամարտի մասնակից է: Նրա երկարամյա ծառայությունները հայրենիքին և բեմարվեստին նշանավորվել են բազմաթիվ միջազգային,պետական, հասարակական, մասնագիտական մրցանակներով և պարգևներով:

Թեև արտիստը կյանքի վերջին շրջանում հիվանդ էր, բայց շարունակում էր աշխատել: Վերջին անգամ նա հայրենի Վախթանգովի անվան թատրոնի բեմ է դուրս եկել 2018թ.-ի դեկտեմբերի 8-ին՝ «Բենեֆիս» ներկայացման մեջ:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 510 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188