Քաղաքակրթական ներուժը կեցության բարձրագույն արժեք է:

Նոր թատրոնը պահանջում է միմյանց կապակցել իրար հետ չկապակցվող բաները

02.24.2020


Անցյալ շաբաթ՝ փետրվարի 22-ին, Մոսկվայում աշխատանքներն է սկսել «Թատրոնի ապագան» առաջին փառատոնը: Միջոցառման մասնակիցները կքննարկեն թատրոնում կիրառվող նորագույն տեխնոլոգիաներ, ժամանակակից մուլտիմեդիայի ազդեցությունը մշակույթի և թատրոնի վրա, նաև ռուսական թատրոնի մրցունակության հնարավորությունները: Այդ մասին տեղեկացնում է «taglur.am»-ը՝ հղում անելով «РИА новости»-ին:

Ֆորումի գեղարվեստական ղեկավար, Մոսկվայի Գորկու անվան գեղարվեստական թատրոնի (МХАТ) գեղարվեստական ղեկավար Էդուարդ Բոյակովի կարծիքով այսօր թատրոնը կանգնած է լրջագույն մարտահրավերի առջև և այս նոր փառատոնի խնդիրն է գտնել այդ ուղղությամբ ծագած ու բազմացող հարցերի պատասխանները:

«Մենք վստահ ենք, որ թատրոնի ապագան միայն տեխնալոգիաներն ու թվային իրականության քննարկումները չեն, այլ նաև մեր պատմության իմաստավորումը, մեր անցյալը»,- նշել է նա: Ըստ նրա 21-րդ դարում մի երևույթը պետք է ստուգել մյուսով, միմյանց կապակցել, թվում է, գլխում իրար հետ չկապակցվող բաները: «Այդ ժամանակ, հանկարծ, բացվում է երրորդ չափումը, որն էլ հենց արվեստն է»,-ընդգծել է Բոյակովը:

Փառատոնի ծրագրում ներառված են МХАТ-ի «Ծառը» և «Ոսկին» նոր ներկայացումները, «Վերադարձածը» իմմերսիվ բեմադրությունը, Պետերբուրգի «La Liorona» թատրոնի սյուրռեալիստական ներկայացումը, պերֆորմենսեր, որոնց էսքիզները պատրաստվել են նոր տեխնալոգիաների կիրառմամբ և այլն:

Փառատոնային ցուցադրությունները տեղի են ունենում թանգարանային տարածքներում, ժամանակակից ստեղծագործական կլաստերներում («Կրասնիյ օկտյաբր», «Գուլագի» պատմության թանգարան, «Դաշկովի 5» առանձնատուն և այլն):
Փառատոնի ծրագրում նախատեսված են կլոր սեղաններ, քննարկումներ, դասախոսություններ, որոնք նվիրված են ռուսական և համաշխարհային թատրոնի ապագային ու զարգացման միտումներին:

Փառատոնի ավարտին, որը տեղի կունենա փետրվարի 29-ին, կհրապարակվի հանդես և կստեղծվի «Ապագայի թատրոնի լաբորատորիա» ստեղծագործական միավորումը, որը աջակցություն կստանա երկրի նախագահի դրամաշնորհային ծրագրից:





Լուսանկարն՝ ըստ հղման աղբյուրի:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 489 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121