Քաղաքակրթական ներուժը կեցության բարձրագույն արժեք է:

Համաճարակի պարտադրած հարկադիր պարապուրդը կհաղթահարեն 2 համերգով և 3 օպերայով

05.06.2020

Իտալիայում նախատեսում են, որ նշանավոր «Լա Սկալա» թատրոնը սեպտեմբերին կրկին կսկսի իր աշխատանքները: Դրա հետ միաժամանակ, ամառային թատերաշրջանը, որը սովորաբար անցկացվում է Կայսր Կարակալայի թերմ կոչվող 3-րդ դարի կառուցի պահպանված ավերակներում, առայժմ չեղյալ չի համարվել: Դեռևս քննարկվում է այն նոր ձևաչափով անցկացնելու հարցը: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

Միլանյան աշխարհահռչակ թատրոնը Իտալիայում առաջինններից մեկն էր, որ հայտարարեց կորոնավիրուսի համաճարակի պատճառով իր գործունեությունը դադարեցնելու մասին: Այն հարկադիր պարապուրդի պատճառով արդեն կրել է 9 մլն եվրոյի վնաս: Օրերս մշակութային հաստատության գործերի նոր կառավարիչ Դոմինիկ Մեյերը հայտարարել է, որ աշնանը իրենք կներկայացնեն 3 ներկայացումների պրեմիերաներ՝ «Տրավիատա», «Աիդա» (վերականգնված տարբերակ) և «Բոհեմա» օպերաները:

Իսկ թատերաշրջանը կբացվի երկու համերգով: «Լա Սկալայի» արտիստները նախ հանդես կգան ի հիշատակ համաճարակին զոհ գնացածների: Նրանք կկատարեն Վերդիի «Ռեքվիեմը»: Իսկ մյուս համերգը, որի ժամանակ կհնչի Բեթհովենի «9-րդ սիմֆոնիան», կկայանա ի պատիվ կորոնավիրուսի դեմ գիշեր ու զոր կռվող բուժաշխատողների:

Երկու համերգներում էլ նվագախումբը կղեկավարի Ռիկարդո Շայմը:





Լուսանկարն՝ ըստ հղման աղբյուրի:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 513 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138