Քաղաքակրթական ներուժը կեցության բարձրագույն արժեք է:

Աուդիոքվեստ։ Ժամանակակից բեմադրության նոր ձևաչափ

08.18.2021

Ռուսաստանում ստեղծագործող Միխայիլ Զիգարի Մոբիլ գեղարվեստական թատրոնը և «Յանդեքս֊երաժշտությունը» սկսել են ընտանեկան աուդիոքվեստերի համատեղ նախագիծ։ Այդ մասին տեղեկացնում է «taglur.am»֊ը՝ հղում անելով «teatral-online.ru»֊ին։

Համացանցի «Յանդեքս֊երաժշտություն» տիրույթից օգտվողների համար արդեն հասանելի է դեդեկտիվ սյուժեով սերիայի առաջին աուդիոքվեստը, որը վերնագրված է «Փախուստ շատրվանից»։ Այս գործը նվիրված է Մոսկվայի Գորկու անվան զբոսայգուց անհետացած «Աղջիկը կշեռքով» քանդակին, որն այդտեղ էր գտնվում 1930 թ․֊ից։

Մոբիլ գեղարվեստական թատրոնը ստեղծելով, ինչպես նշել է Զիգարը, իրենք հորինել են ժամանակակից թատրոն, որը չունի կոշտ շրջանակններ և բեմի սահմաններ։ Նա նշել է, որ իրենք մշտապես «Յանդեքս֊երաժշտության» հետ նոր ձևերի փորձարկումներ են անում։ Դրա շնորհիվ նրանց հաջողվել է միասին ստեղծել ժամանակակից բեմադրության նոր ձևաչափ՝ հասցեագրված ողջ ընտանիքին։ Դա աուդիոքվեստն է։

Մեծերի և դպրոցական ցածր տարիքի երեխաների համար այս ձևաչափի հեղինակներն անկախ մանկական թատրոնների փառատոնի կազմակերպիչներն են՝ մասնագիտությամբ մանկական ներկայացումների ռեժիսորներ, բանաստեղծուհի և Մոբիլ գեղարվեստական թատրոնի տնօրենը։

Աուդիոքվեստները պետք է հեռարձակվեն բացառապես «Յանդեքս֊երաժշտություն» համացանցային տիրույթում՝ մի քանի ամիսը մեկ, իսկ ավելի ուշ դրանք մատչելի կդառնա բոլորին «Սոկոլնիկի» և «Էրմիտաժ» զբոսայգիներում։




Լուսանկարն՝ ըստ հղման աղբյուրի: 


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 336 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137