Քաղաքակրթական ներուժը կեցության բարձրագույն արժեք է:

Մեծ թատրոնում գործում են տոմսերի վաճառքի նոր կանոններ

02.03.2014


Մոսկվայի Մեծ թատրոնում փետրվարի 1-ից թատրոնի մուտքի տոմսերի նախնական վաճառքը կիրականացվի միայն շաբաթ օրերին՝ գնորդների հարմարության համար: Այդ մասին հաղորդում է «РИА Новости»-ն՝ հղում անելով այդ մշակութային հաստատության պաշտոնական կայքին:

Ինչպես և նախկինում տոմսերի վաճառքը կսկսվի ներկայացումներից 3 ամիս առաջ: Վաճառքն սկսելու վերաբերյալ գնորդները տոմսարկղերի մոտ և կայքի միջոցով կտեղեկացվեն հատուկ գրաֆիկներով: Շաբաթ օրերին իրականացվող այդ նախնական վաճառքի ժամանակ յուրաքանչյուր հաճախորդ իրավունք կունենա ձեռք բերել միայն միևնույն ներկայացումների շարքի մեկ ցուցադրությանը ներկա գտնվելու իրավունք ընձեռող երկուական տոմս:

Կայքը հաղորդում է, որ նորամուծությունները տարածվել են նաև զեղջերով թատրոնի ներկայացումներ հաճախող քաղաքացիների վրա: Այսպես, Հայրենական Մեծ պատերազմի վետերանները, Խորհրդային Միության հերոսները, ՌԴ-ի հերոսները, Փառքի լրիվ շքանշանների ասպետները կարող են տոմս ձեռք բերել կես գնով՝ քաղաքացիների այդպիսի խմբերի համար պարտերում հատկացված հատուկ տեղերի համար: Զեղջերից օգտվողներին կարող է ուղեկցել մեկ մարդ, ով, սակայն, պետք է իր տոմսը ձեռք բերի լրիվ արժեքով:

Նոր կարգում առանձին կետով սահմանված են նաև հաշմանդամների և սահմանափակ ընդունակություններով մարդկանց սպասարկման նոր կանոնները: Այդպիսի մարդկանց հատուկ տեղեր են հատկացվելու պարտերում, որտեղ ապահովված են նրանց հարամարավետ զգալու և տեղաշարժվելու համար անհրաժեշտ պայմաններ: Քաղաքացիների այս խմբի համար նույնպես կգործեն տոմս ձեռք բերելու և ուղեկից ունենալու այնպիսի կանոններ, ինչպիսին սահմանված է պատերազմի վետերանների պարագայում:

Սոցիալական այս խմբերի համար սահմանվել տոմս ձեռք բերելու այսպիսի կարգ. Ներկայացումից առաջ 7 օրվա ընթացքում ընդունվում են նախնական պատվերներ հեռախոսով, 5 օրվա ընթացքում տեղի է ունենում տոմսերի վաճառք, որն ավարտվում է ներկայացումն սկսելուց 4 ժամ առաջ:

Սովորական հանդիսատեսները նույնպես կարող են հեռախոսով նախնական պատվերներ տալ: Նրանց սպասարկումը կիրականացվի նախնական վաճառքն սկսելուց մեկ օր անց: Յուրաքանչյուր քաղաքացի կարող է մեկ նախնական պատվեր տալ, որի դեպքում տոմսերի թիվը չպետք է գերազանցի 4-ը:

Կայքի միջոցով և նախնական պատվերով ձեռք բերված բայց դրանց դիմաց չվճարված տոմսերի քանակը չի կարող ավելին լինել՝ քան 4 հատը:

Ուսանողների համար, ինչպես և նախկինում, գործում է մեկ տոմսը՝ 100 ռուբլի կանոնը: Այդպիսի տոմսեր նրանք կարող են ձեռք բերել ներկայացումից 1,5 ժամ առաջ՝ ցույց տալով իրենց ուսանողական տոմսը:
    Դիտվել է 946 անգամ
    12345678910111213141516171819202122232425262728293031323334353637383940414243444546474849505152535455565758596061626364656667686970717273747576777879808182838485868788899091929394959697989910010110210310410510610710810911011111211311411511611711811