Քաղաքակրթական ներուժը կեցության բարձրագույն արժեք է:

ԱՄՆ-ն և Ռուսաստանը պիեսներ են փոխանակում

03.05.2014


Ինքնատիպ եղանակով դրամատիկական ստեղծագործություն են հորինել ամերիկացի և ռուս արձակագիրները: Երեքական գրողներ ԱՄՆ-ից և Ռուսաստանից գրել են «Կոնտակտ» վերնագրով մեկական պիես, ապա խաչաձև թարգմանել են այդ ստեղծագործությունները միմյանց համար: Այդ մասին հաղորդում է «teatral-online.ru»-ն:

Մարտի 13-ի երեկոյան Մոսկվայի գեղարվեստական ակադեմիական թատրոնի (МХАТ-ի) դպրոց-ստուդիայում կկայանա հեռուստակամուրջ ԱՄՆ-ի Այովա և ՌԴ-ի Մոսկվա քաղաքների միջև, որի ընթացքում բեմական էսքիզների ձևով կցուցադրվեն գրված և թարգմանված տեքստերը:

Այս նախագիծը սկսվել է դեռ երեք տարի առաջ: Բազմաստիճան ծրագիրը, որ ստացել է «Book Wings» (Գրքի թևերը) խորագիրը իրականացվել է Այովա նահանգի համալսարանի և Գրողների միջազգային ծրագրի միջև կնքված պայմանագրի համաձայն: Նախագծին օժանդակել է Մոսկվայում ԱՄՆ-ի դեսպանատունը: Այն մեկնարկել են բանաստեղծները, որին հաջորդել են արձակագիրները, իսկ ավարտում են դրամատուրգները: Յուրաքանչյուր ժանրի համապատասխան ստեղծագործությունները ներկայացնելու համար տրվել էր 1-ական տարի:

Ասենք, որ դրամատիկական գործերի ներկայացման համար այս նախագծում ընդգրկվել են МХАТ-ի դպրոց- ստուդիայի մագիստրատուրայի ուսանողներ, ինչպես նաև Մեյերհոլդի կենտրոնի ռեժիսորներ:

Բոլոր գործողությունները կիրականացվեն համացանցի միջոցով:
    Դիտվել է 904 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190