Քաղաքակրթական ներուժը կեցության բարձրագույն արժեք է:

Ըստ մյուզիքլի՝ «շոու-բիզնես քաղաքականությունը ոչ գեղեցիկ մարդկանց համար է»

06.26.2014


Հուլիսի18-ից 25-ը նյու-յորքյան թատերական կյանքի սպասված պրեմիերան՝ «Քլինթոն» մյուզիքլն է, որտեղ որպես գլխավոր հերոսներ հանդես են գալիս ԱՄՆ-ի նախկին պետքարտուղար Հիլարի Քլինթոնը և նրա ամուսինը՝ 42-րդ նախագահ Բիլլ Քլինթոնը: Այդ մասին «foxnews.com»-ի տեղեկատվությունը փոխանցում է «taglur.am»-ը:

Ավստրալիացի Փոլ և Մայքլ Հոջ եղբայրների հեղինակած ստեղծագործությունը կներկայացվի «New York Musical Theatre Festival» փառատոնի շրջանակներում: Մյուզիքլի նկարագրության մեջ նշվում է, որ «շոու-բիզնես քաղաքականությունը ոչ գեղեցիկ մարդկանց համար է»:

Ամերիկյան լրատվամիջոցը նաև տեղեկացնում է, որ ներկայացման մեջ ԱՄՆ-ի նախկին նախագահին մարմնավորում են երկու դերասաններ՝ Քենզլեր Քարլը, ով կկատարի Ուիլյամ Ջեֆերսոն Քլինթոնի դերը և Դյուք Լաֆունը, ով կմարմնավորի Բիլլին: Հիլարի Քլինթոնի դերում հանդես կգա դերասանուհի Ալեթ Թեյլորը:

Ներկայացման մեջ գործող կերպարներ են նաև ԱՄՆ ներկայացուցիչների պալատի խոսնակը, ինչպես նաև 32-րդ նախագահի տիկին Էլեոնոր Ռուզվելտը և Բիլ Քլինթոնի հետ աղմուկ հանած սիրավեպի հերոսուհի Մոնիկա Լիվինսկին:

Նշենք, որ մյուզիքլի պրեմիերան կկայանա միաժամանակ երկու բեմահարթակների վրա՝ «New York Musical Theatre Festival»-ում և «Pershing Square Signature Center»-ում:

Հիլարի Քլինթոնը համարվում է ԱՄՆ-ում 1916 թ.-ին կայանալիք նախագահական ընտրությունների հավանակ թեկնածուներից մեկը: Մայիս ամսին անցկացված սոցիոլոգիական հարցումներով նա այդ ընտրություններում կստանա ձայների մեծամասնությունը: Ինքը՝ 66-ամյա Քլինթոնը դեռ չի հաստատել, որ պետք է մասնակցի երկրի ղեկավարի պաշտոնի համար սպասվող մրցապայքարին: Ըստ ամենայնի իր վերջնական որոշման մասին տիկին Քլինթոնը կհայտարարի ոչ շուտ, քան՝ մինչև 2014թ.-ի վերջը:
    Դիտվել է 977 անգամ