Քաղաքակրթական ներուժը կեցության բարձրագույն արժեք է:

Երիտասարդ թատերական ռեժիսուրայի IX հանրապետական փառատոն

10.10.2014


Հայաստանի թատերական գործիչների միությունը 2014թ. նոյեմբերի 18-23-ը Երևանում կանցկացնի Երիտասարդ Թատերական Ռեժիսուրայի IX հանրապետական փառատոնը:

Այս փառատոնը հնարավորություն է տալիս պատկերացում կազմել արդի երիտասարդ թատրոնի ռեժիսորների ստեղծագործական նախասիրությունների մասին: Նաև` ընտրելու լավագույն 3 ռեժիսորի, որոնք 2015թ. հուլիսին կմեկնեն Մոսկվա` Ա. Չեխովի անվ. միջազգային թատերական փառատոնին կից ամառային դպրոցի վարպետաց դասերին մասնակցելու:

Նշենք, որ ներկայացումների քննարկումներն անցնում են անվանի մասնագետների, երիտասարդ թատերագետների և հանդիսատեսի մասնակցությամբ:

Այս տարի Երիտասարդ Թատերական Ռեժիսուրայի փառատոնը կանցկացվի Թատրոնի Միջազգային Ինստիտուտի 34-րդ համաշխարհային կոնգրեսի շրջանակներում: Հայ երիտասարդ ռեժիսորների աշխատանքները կդիտեն նաև համաշխարհային թատրոնի ներկայացուցիչները:

Երիտասարդ Թատերական Ռեժիսուրայի IX հանրապետական փառատոնին կարող են մասնակցել 35 տարեկանը չլրացած բեմադրիչների աշխատանքներ, որոնք կատարվել են նախորդ թատերաշրջանի ընթացքում:

Փառատոնին մասնակցել ցանկացողները կարող են դիմել ՀԹԳՄ: Հայտերն ընդունվում են մինչև 2014թ. նոյեմբերի 1-ը:

Անհրաժեշտ է ներկայացնել`
1. Ներկայացման տեսագրությունը:

2. Ռեժիսորի լուսանկարը և ստեղծագործական կենսագրությունը (ծավալը` 1 էջից ոչ ավելի):

3. Ներկայացման համառոտ բովանդակությունը ու լուսանկարներ` էլեկտրոնային տարբերակով:

Դիմել ՀԹԳՄ քարտուղար Սոնա Մելոյանին:

Էլ. հասցե՝ taterakan.miutyun@mail.ru
    Դիտվել է 845 անգամ