Քաղաքակրթական ներուժը կեցության բարձրագույն արժեք է:

Մոսկվայում տեղի է ունեցել Վախթանգովի հուշարձանի պաշտոնական բացումը

10.14.2014

Երեկ Մոսկվայի Շչուկինի անվան թատերական ինստիտուտի մուտքի մոտ հանդիսավորությամբ բացվել է Եվգենի Վախթանգովի հուշարձանը: Այդ մասին հաղորդում է «taglur.am»-ը՝ հղում անելով «ԻՏԱՐ-ՏԱՍՍ»-ին:

Հուշարձանի բացման արարողությանը մասնակցել են Մեծ դերասանի և ռեժիսորի անունը կրող այդ կրթական հաստատությունում այսօր սովորող ուսանողներ և անվանի թատերական գործիչներ դարձած, տարբեր սերնդի բազմաթիվ շրջանավարտներ:

Հուշարձանը բացել է Ռուսաստանի մշակույթի նախարար Վլադիմիր Մեդինսկին:

«Վախթնգովն ապրել է շատ կարճ: Բայց նա հասցրել է իրականացնել չափազանց շատ գործեր՝ հիմնել է հիանալի դպրոց, ստեղծել է թատրոն, որը լավագույներից մեկն է երկրում»,- ասել է նախարարը:

Նա նաև զարմանք է հայտնել, որ մինչև հիմա Վախթանգովին ունեցել է միայն մեկ հուշարձան՝ Վլադիկավկազում, իսկ Մոսկվայում «այդ մեծ թատերական գործիչի հուշարձանը չի եղել»: Մեդինսկին նշել է, որ այս հուշարձանի բացմամբ «արդարությունը հաղթանակել է»:

Հուշարձանը բացվել է Շչուկինի անվան ուսումնարանի 100-ամյա տարելիցի տոնակատարության շրջանակներում: Ֆինանսական միջոցները հավաքվել են «Օժանդակություն» հիմնադրամի կողմից:

Եվգենի Վախթանգովը (1883-1922) ծնվել է հայ մեծահարուստ գործարանատիրոջ ընտանիքում:

Թատրոնով հետաքրքրվել է դեռևս դպրոցական տարիներից:: Դպրոցն ավարտելուց հետո, ընդունվել է Մոսկվայի համալսարանի ֆիզիկայի և մաթեմատիկայի ֆակուլտետ, որտեղ էլ բացել է ուսանողական թատերական խումբ:

Արաջին ներկայացումը «Ուսուցիչներ» պիեսի բեմադրությունն է:: Դրանից հետո նա ընդունվել է թատերական դպրոց, ապա՝: 1911թ-ին աշխատանքի է անցել Մոսկվայի գեղարվեստական թատրոնում::Ավելի ուշ երիտասարդ դերասանին նկատել է Ստանիսլավսկին և նրա համար ճանապարհ հարթել դեպի թատերական աշխարհ:

Նրա բեմադրած վերջին ներկայացումը «Արքայադուստր Տուրանդոտ»-ն է, որը համարվում է թատերական արվեստի ուղենշային գործ:
    Դիտվել է 942 անգամ