«Թատերական Լոռին» կնշանավորվի նաև Սոս Սարգսյանի հուշարձանի բացմամբ10.15.2014
Այսօր Ալավերդիի մշակույթի տանը մեկնարկեց «Թատերական Լոռի» 4-րդ միջազգային փառատոնը: Միջոցառումը, որը հանրապետական մասշտաբով շատ ավելի հին պատմություն ունի (այդ կարգավիճակով այն արդեն 22-րդն է), նվերված է ԽՍՀՄ և ՀՀ ժողովրդական արտիստ, հայ թատրոնի նահապետ Սոս Սարգսյանի ծննդյան 85-ամյակին։
Փառատոնը մեկնարկեց մեծ դերասանի հիմնադրած Համազգային թատրոնը: Հանդիսատեսին ներկայացվեց Վիլյամ Սարոյանի «Մեկ բաժակ բարություն» պիեսը՝ Սոս Սարգսյանի բեմադրությամբ:
Փառատոնը յուրահատուկ է նաև այն բանով, որ այնտեղ ընդգրկված են այնպիսի ներկայացումներ, որոնք առընչվում են հանրապետությունում այսօր նշվող մի շարք հոբելյանական իրադարձությունների: Այսպես, Կոմիտասի 145-ամյակի կապակցությամբ կներկայացվի «Կոմիտաս. եկել եմ» ներկայացումը, ԽՍՀՄ ժողովրդական արտիստ Հրաչյա Ղափլանյանի ծննդյան 90-ամյակին նվիրված` Գ. Սունդուկյանի անվան ազգային ակադեմիական թատրոնը հանդես կգա Շեքսպիրի «Ջոն արքա»-ի բեմադրությամբ,, այդ օրերին կգործի նաև Հ. Ղափլանյանի կյանքն ու ստեղծագործական ուղուն նվիրված լուսանկարչական աշխատանքների ցուցահանդես։
Բացի այդ, հանրաճանաչ դրամատուրգ Ժիրայր Անանյանի ծննդյան 80-ամյակի կապակցությամբ «Մեր տան տերերը» կատակերգությամբ հանդես կգա Հակոբ Պարոնյանի անվան երաժշտական կոմեդիայի պետական թատրոնը: Իսկ Երևանի Պատանի հանդիսատեսի թատրոնի 85-ամյա հոբելյանը այս միջոցառման շրջանակներում կնշանավորվի թատրոնի ուղին ներկայացնող թատերագիտական ելույթներով, այնուհետև` Վիգեն Ստեփանյանի «Բրեմենյան երաժիշտներ» երաժշտական հեքիաթով:
Հայոց ցեղասպանության 100-րդ տարելիցին ընդառաջ` Կ. Ստանիսլավսկու անվան ռուսական դրամատիկական թատրոնը հանդես կգա «Ձեզ եմ դիմում, տիկնայք և պարոնայք» ներկայացոումով (ըստ Լևոն-Զավեն Սյուրմելյանի համանուն վեպի):
«Թատերական Լոռու» շրջանակում «Ռուսսկի միր» հիմնադրամի աջակցությամբ կանցկացվի «Ռուսական թատրոնի օրեր» ծրագիրը. կմասնակցեն ՌԴ Վոլգոգրադի երիտասարդական և Չեխովի քաղաքային դրամատիկական, Երևանի Ստանիսլավսկու անվան ռուսական պետական դրամատիկական թատրոններն ու էլի միշարք ռուսալեզու թատերախմբեր։
Փառատոնի ծրագրում նախատեսված են նաև վարպետության դասընթացներ, ստեղծագործական քննարկումներ, հանդիպումներ, մասնակից թատերախմբերի էքսկուրսիաներ:
Նշենք, որ փառատոնի եզրափակիչ օրը՝ հոկտեմբերի 26-ը, նույնպես կնշանավորվի հիշարժան իրադարձությամբ: Ստեփանավանում կբացվի Սոս Սարգսյանի հուշարձանը:
Այսօր Ալավերդիի մշակույթի տանը մեկնարկեց «Թատերական Լոռի» 4-րդ միջազգային փառատոնը: Միջոցառումը, որը հանրապետական մասշտաբով շատ ավելի հին պատմություն ունի (այդ կարգավիճակով այն արդեն 22-րդն է), նվերված է ԽՍՀՄ և ՀՀ ժողովրդական արտիստ, հայ թատրոնի նահապետ Սոս Սարգսյանի ծննդյան 85-ամյակին։
Փառատոնը մեկնարկեց մեծ դերասանի հիմնադրած Համազգային թատրոնը: Հանդիսատեսին ներկայացվեց Վիլյամ Սարոյանի «Մեկ բաժակ բարություն» պիեսը՝ Սոս Սարգսյանի բեմադրությամբ:
Փառատոնը յուրահատուկ է նաև այն բանով, որ այնտեղ ընդգրկված են այնպիսի ներկայացումներ, որոնք առընչվում են հանրապետությունում այսօր նշվող մի շարք հոբելյանական իրադարձությունների: Այսպես, Կոմիտասի 145-ամյակի կապակցությամբ կներկայացվի «Կոմիտաս. եկել եմ» ներկայացումը, ԽՍՀՄ ժողովրդական արտիստ Հրաչյա Ղափլանյանի ծննդյան 90-ամյակին նվիրված` Գ. Սունդուկյանի անվան ազգային ակադեմիական թատրոնը հանդես կգա Շեքսպիրի «Ջոն արքա»-ի բեմադրությամբ,, այդ օրերին կգործի նաև Հ. Ղափլանյանի կյանքն ու ստեղծագործական ուղուն նվիրված լուսանկարչական աշխատանքների ցուցահանդես։
Բացի այդ, հանրաճանաչ դրամատուրգ Ժիրայր Անանյանի ծննդյան 80-ամյակի կապակցությամբ «Մեր տան տերերը» կատակերգությամբ հանդես կգա Հակոբ Պարոնյանի անվան երաժշտական կոմեդիայի պետական թատրոնը: Իսկ Երևանի Պատանի հանդիսատեսի թատրոնի 85-ամյա հոբելյանը այս միջոցառման շրջանակներում կնշանավորվի թատրոնի ուղին ներկայացնող թատերագիտական ելույթներով, այնուհետև` Վիգեն Ստեփանյանի «Բրեմենյան երաժիշտներ» երաժշտական հեքիաթով:
Հայոց ցեղասպանության 100-րդ տարելիցին ընդառաջ` Կ. Ստանիսլավսկու անվան ռուսական դրամատիկական թատրոնը հանդես կգա «Ձեզ եմ դիմում, տիկնայք և պարոնայք» ներկայացոումով (ըստ Լևոն-Զավեն Սյուրմելյանի համանուն վեպի):
«Թատերական Լոռու» շրջանակում «Ռուսսկի միր» հիմնադրամի աջակցությամբ կանցկացվի «Ռուսական թատրոնի օրեր» ծրագիրը. կմասնակցեն ՌԴ Վոլգոգրադի երիտասարդական և Չեխովի քաղաքային դրամատիկական, Երևանի Ստանիսլավսկու անվան ռուսական պետական դրամատիկական թատրոններն ու էլի միշարք ռուսալեզու թատերախմբեր։
Փառատոնի ծրագրում նախատեսված են նաև վարպետության դասընթացներ, ստեղծագործական քննարկումներ, հանդիպումներ, մասնակից թատերախմբերի էքսկուրսիաներ:
Նշենք, որ փառատոնի եզրափակիչ օրը՝ հոկտեմբերի 26-ը, նույնպես կնշանավորվի հիշարժան իրադարձությամբ: Ստեփանավանում կբացվի Սոս Սարգսյանի հուշարձանը:
