Քաղաքակրթական ներուժը կեցության բարձրագույն արժեք է:

Ներկայացումը կցուցադրվի 16-րդ դարից պահպանված դեկորացիաների միջավայրում

10.15.2014

Ռուս հայտնի ռեժիսոր Անդրեյ Կոնչալովսկին Իտալիայի Վիչենցե քաղաքի Օլիմպիկո թատրոնում կներկայացնի իր նոր «Էդիպը Կոլոնեում» բեմադրությունը՝ ըստ Սոֆոկլեսի համանուն ողբերգության: Այդ մասին Կոնչալովսկու պրոդյուսերական կենտրոնի տեղեկատվույունը փոխանցում է «taglur.am»-ը՝ հղում անելով «РИА Новости»-ին:

Ներկայացման գործողությունները կենտրոնացվել են Կրեոնտի, Թեսևսի և Պոլոնիկայի միջև ընթացող պայքարի վրա, որոնցից յուրաքանչյուր ցանկանում էր իր ազդեցության ոլորտում տեսնել՝ Էդիպին ու նրա դստերը՝ Անտիգոնեին:

Կոնչալովսկու այս հեղինակային բեմադրությունում բացակայում են սոֆոկլեսյան մի քանի կերպարներ, իսկ որոշներն էլ միացվել են մեկ կերպարի մեջ:

Նեկայացումն ունի կամերային բնույթ, մենախոսությունների մի մասը կրճատված են:

Տղամարդկանց բոլոր գլխավոր դերակատարները իտալացիներ են ( Ֆեդերիկո Վաննի, Անտոնիո Գարջուլո և Ջուզեպե Բիզոնիո), իսկ Անտիգոնեի դերում հանդես կգա ռուսաստանցի դերասանուհի Յուլիա Վիսոցկայան:

Ներկայացման լեզուն իտալերենն է:

«Սոֆոկլեսը, Էսքիլոսը, Շեքսպիրը, Չեխովը, Սթրինդբերգը ստեղծել են գործեր, որոնք կարելի է ասել հավերժական են և որոնց մեջ կարելի է գտնել ինչ-որ ընդհանուր բան: Այդ ընդհանուրը մարդու և աշխարհի գաղտնիքը հասկանալու փորձն է: Փորձել հասկանալ չի նշանակում գիտակցել: Հենց այդ պատճառով այդ ստեղծագործությունները հանելուկային են: Եվ ամեն անգամ ռեժիսորը ձգտում է հասկանալ տիեզերքի և մարդու հենց այն նույն գաղտնիքը»,-ասել է Կոնչալովսկին:

Նրա ասելով Սոֆոկլեսին կամ Չեխովին բեմադրելը միատեսակ բարդություն ունի, որովհետև քեզ զգում ես ապակե բուրգի մակերևույթին մագլցողի վիճակում: «Յուրաքանչյուր դար ունի այդ մեծ ստեղծագործությունների իր նշանավոր ընթերցումները»:

Օլիմպիկո թատրոնը (Teatro Olimpico)-ն աշխարհի հնագույն գործող թատրոններից մեկն է: Այն բացվել է 1585 թ.-ին: Խորհրդանշական է, որ այս թատրոնի առաջին ներկայացումը եղել է հենց «Էդիպը Կոլոնեում»-ը: Թատրոնում մինչև այսօր պահպանվել են բնօրինակ դեկորացիաներ, որոնց միջավայրում էլ ներկայացվելու է Կոնչալովսկու բեմադրությունը:
    Դիտվել է 977 անգամ