Ուկրաինական ֆիլմի ցուցադրությունը տապալվել է դահլիճում ռումբ լինելու պատրվակով 12.31.2014
Մոսկվայի «Տեատր.Դոկ» վավերագրական պիեսի թատրոնում, իբր թե տեղադրված ռումբի պատճառով, որի մասին անհայտ անձը հեռախոսազանգով տեղեկացրել է իրավապահ մարմիններին, ձախողվել է Ուկրաինայի դեպքերի մասին պատմող ուկրաինական արտադրության կինոնկարի ցուցադրությունը: Այդ մասին թատրոնի տնօրեն Ելենա Գրեմինայի տեղեկատվությունը հաղորդում է «taglur.am»-ը՝ հղում անելով «Interfax»-ին:
«Ուկրաինական «Ավելի ուժեղ, քան զենքը» վավերագրական կինոնկարի ցուցադրության ժամանակ դահլիճ ներխուժեցին իրավապահ մարմինների ներկայացուցիչները և հայտարարեցին, որ իրենք հեռախոսազանգ են ստացել մեր մոտ տեղադրված ռումբի մասին ու բոլոր հանդիսատեսներին տարհանեցին»,- ասել է Գրեմինան:
Ուկրաինական «Ավելի ուժեղ, քան զենքը» վավերագրական կինոնկարը պատմում է, թե ինչ է տեղի ունեցել Կիևի Մայդանի հրապարակում և ինչպիսի այլ քաղաքական իրադարձություններ են կատարվել այդ երկրում:
Այս ֆիլմի ցուցադրությունը «Տեատր.Դոկ» թատրոնի Տրյոխպրուդնու փակուղում գտնվող հին շենքում կազմակերպված վերջին միջոցառումներից էր: Դրանից հետո թատրոնը պիտի տեղափոխվեր նոր շենք:
Գրեմինայի ասելով այս կինոնկարի ցուցադրության հարցով իրենց մոտ են ժամանել նաև ՌԴ Մշակույթի նախարարության ներկայացուցիչները և պահանջել բացատրություն: «Վաղը ես բոլոր փաստաթղթերով պիտի գնամ Մշակույթի նախարարությոուն և բացատրեմ, թե ինչու էինք մենք օտարերկրյա ֆիլմ ցուցադրում՝ չունենալով վարձույթի վկայական: Թեև օրենքով մենք այդ իրավունքն ունենք»,- ընդգծել է «Տեատր.Դոկ»-ի տնօրենը:
Այս աշուն թատրոնն արտաքսվել է Տրյոխպրուդնու փակուղում գտնվող բնակելի շենքի նկուղային հարկում վարձակալած տարածքից՝ կապված այն բանի հետ, որ թատրոնը չթույլատրված փոփոխություններ է կատարել իր զբաղեցրած տարածքի հատակագծում:
Մոսկվայի «Տեատր.Դոկ» վավերագրական պիեսի թատրոնում, իբր թե տեղադրված ռումբի պատճառով, որի մասին անհայտ անձը հեռախոսազանգով տեղեկացրել է իրավապահ մարմիններին, ձախողվել է Ուկրաինայի դեպքերի մասին պատմող ուկրաինական արտադրության կինոնկարի ցուցադրությունը: Այդ մասին թատրոնի տնօրեն Ելենա Գրեմինայի տեղեկատվությունը հաղորդում է «taglur.am»-ը՝ հղում անելով «Interfax»-ին:
«Ուկրաինական «Ավելի ուժեղ, քան զենքը» վավերագրական կինոնկարի ցուցադրության ժամանակ դահլիճ ներխուժեցին իրավապահ մարմինների ներկայացուցիչները և հայտարարեցին, որ իրենք հեռախոսազանգ են ստացել մեր մոտ տեղադրված ռումբի մասին ու բոլոր հանդիսատեսներին տարհանեցին»,- ասել է Գրեմինան:
Ուկրաինական «Ավելի ուժեղ, քան զենքը» վավերագրական կինոնկարը պատմում է, թե ինչ է տեղի ունեցել Կիևի Մայդանի հրապարակում և ինչպիսի այլ քաղաքական իրադարձություններ են կատարվել այդ երկրում:
Այս ֆիլմի ցուցադրությունը «Տեատր.Դոկ» թատրոնի Տրյոխպրուդնու փակուղում գտնվող հին շենքում կազմակերպված վերջին միջոցառումներից էր: Դրանից հետո թատրոնը պիտի տեղափոխվեր նոր շենք:
Գրեմինայի ասելով այս կինոնկարի ցուցադրության հարցով իրենց մոտ են ժամանել նաև ՌԴ Մշակույթի նախարարության ներկայացուցիչները և պահանջել բացատրություն: «Վաղը ես բոլոր փաստաթղթերով պիտի գնամ Մշակույթի նախարարությոուն և բացատրեմ, թե ինչու էինք մենք օտարերկրյա ֆիլմ ցուցադրում՝ չունենալով վարձույթի վկայական: Թեև օրենքով մենք այդ իրավունքն ունենք»,- ընդգծել է «Տեատր.Դոկ»-ի տնօրենը:
Այս աշուն թատրոնն արտաքսվել է Տրյոխպրուդնու փակուղում գտնվող բնակելի շենքի նկուղային հարկում վարձակալած տարածքից՝ կապված այն բանի հետ, որ թատրոնը չթույլատրված փոփոխություններ է կատարել իր զբաղեցրած տարածքի հատակագծում:
