Քաղաքակրթական ներուժը կեցության բարձրագույն արժեք է:

Թատրոն հաճախողների թիվն ավելացել է 7 մլն մարդով

02.10.2015

Ռուսաստանում թատրոն հաճախողների թիվը 2014 թ.-ին ավելացել է 7 մլն մարդով: Այդ մասին հայտարարել է երկրի փոխվարչապետ Օլգա Գոլոդեցը: Նա նաև նշել է, որ այդպիսի թռիչք նախկինում երբևէ չի եղել: Գոլոդեցը նաև ընդգծել է, որ նման ցուցանիշ է արձանագրվել այն բանի շնորհիվ, որ երկրի «հայտնի կոլեկտիվները գնացել են տարածաշրջաններ»:

Բացի այդ ¼-ով ավելացել է կազմակերպված ցուցահանդեսների թիվը: «Բոլոր այս բառերը և թվերը թվում են այսպիսի մաքուր քանակային չափման միավորներ, սակայն դրանց ետևին կանգնած է մարդկանց վերաբերմունքը մշակույթի նկատմամբ, նրա մեջ Ռուսաստանի մեծաթիվ քաղաքացիների ընդգրկման հանգամանքը»,- ասել է փոխվարչապետը և ընդգծել, որ այստեղ հատկապես կարևոր է կրտսեր սերնդի ներգրավումը մշակութային միջավայրի մեջ:

Գոլոդեցը նաև նշել է, որ մշակույթի տարին ավարտում են հսկայական ձեռքբերմամբ՝ այսուհետ դաշնային նշանակության թանգարաններ այցելությունները դպրոցահասակ և ավելի փոքր երեխաների համար լինելու է անվճար:
    Դիտվել է 1243 անգամ