Քաղաքակրթական ներուժը կեցության բարձրագույն արժեք է:

«Արտավազդ» մրցանակները կբաշխվեն թատրոնի միջազգային օրը

03.12.2015


ՀՀ վարչապետ Հովիկ Աբրահամյանի հովանու ներքո, ՀՀ մշակույթի նախարարության աջակցությամբ, Հայաստանի թատերական գործիչների միությունը 2015թ.-ի մարտի 27-ին, Թատրոնի միջազգային օրը, Հ. Պարոնյանի անվան երաժշտական կոմեդիայի թատրոնում կանցկացնի «Արտավազդ» ամենամյա մրցանակաբաշխությունը, որն այս տարի կնվիրվի ԽՍՀՄ ժողովրդական արտիստ Սոս Սարգսյանի ծննդյան 85-ամյակին: Այդ մասին տեղեկացնում է «taglur.am»-ը՝ հղում անելով «theatersunion.am»-ին:

«Արտավազդ» մրցանակները կտրվեն 12 անվանակարգերում: Մրցանակաները բաշխվում են ըստ 7 հոգուց կազմված փորձագիտական խմբի անդամների քվեարկության արդյունքների, որոնցից յուրաքանչյուրը իրավունք ունի իր ձայնը տալ միայն 1 կամ 2 հավակնորդի:

Նշենք որ քվեարկությունների ծրարների բացումն ու ձայների հաշվարկը մրցանակաբաշխության օրը իրականացնում է մրցույթի համակարգողը:
    Դիտվել է 1004 անգամ