Փառատոն, որի խնդիրը երեխաներին ոչ թե զվարճացնելն է, այլ զարգացնելը03.18.2015
Մարտի 28-ից ապրիլի 3-ը Ռուսաստանի մայրաքաղաք կժամանի մանկական անկախ թատրոնների «Կարաբաս» փառատոնը: Այդ մասին հաղորդում է «taglur.am»-ը՝ հղում անելով ստուգատեսի պաշտոնական կայքին:
Փառատոնը նպատակ է հետապնդում ցուցադրել մանկական թատրոնի զարգացման միտումները Ռուսաստանում, հանդիսատեսներին ծանոթացնել նոր ներկայացումների և նրանց ուշադրությունը հրավիրել պետության կողմից որևէ օժանդակություն չստացող հեղինակային թատերական նախագծերի վրա:
Փառատոնի շրջանակներում կցուցադրվի 12 ներկայացում՝ ընտանեկան դիտման համար: Դրանցից 6-ը պրեմիերաներ են:
Միջոցառման կազմակերպիչներն են Մոսկվայի «Սնարկ» և «Ֆաննի Բելլի տնակը» թատրոնները:
«Կարաբաս» փառատոնում ներկայացվող նախագծերը ձևաչափով փոքր են: Դրանք ներկայացնողները, որպես օրինաչափություն, սեփական հիմնական բեմահարթակները չունեցող թատերախմբեր են: Բայց պետք է նշել, որ փառատոնում ընդգրկված աշխատանքները բազմաժանր են, որոնցից յուրաքանչյուրի մեջ յուրահատուկ եղանակներով կիրառվում են ինտերակտիվ տեխնոլոգիաներ, բեմախաղային հնարքներ, պատմություն պատմելու թատերական եղանակ (սթորիթելլինգ), յուրահատուկ մոբիլ բեմանկարչություն, երաժշտության կենդանի կատարումներ:
«Մենք խուսափում ենք մանկական ներկայացումների բեմականացման կարծրատիպերից, փնտրում ենք հետաքրքիր ժամանակակից պատմություններ և դրանք մատուցելու յուրահատուկ եղանակներ: Փառատոնի մասնակիցներն ակտիվ ուսումնասիրում են եվրոպական մանկական թատրոնի փորձը, որն արդեն շատ վաղուցվանից խնդիր է դնում ոչ այնքան փոքրիկ հանդիսատեսներին զվարճացնելը, որքան նրանց գեղագիտական և մտավոր առումով զարգացնելը»,- նշել է «Սնարկ» թատրոնի գեղարվեստական ղեկավար Յուրի Ալեսինը:
Մարտի 28-ից ապրիլի 3-ը Ռուսաստանի մայրաքաղաք կժամանի մանկական անկախ թատրոնների «Կարաբաս» փառատոնը: Այդ մասին հաղորդում է «taglur.am»-ը՝ հղում անելով ստուգատեսի պաշտոնական կայքին:
Փառատոնը նպատակ է հետապնդում ցուցադրել մանկական թատրոնի զարգացման միտումները Ռուսաստանում, հանդիսատեսներին ծանոթացնել նոր ներկայացումների և նրանց ուշադրությունը հրավիրել պետության կողմից որևէ օժանդակություն չստացող հեղինակային թատերական նախագծերի վրա:
Փառատոնի շրջանակներում կցուցադրվի 12 ներկայացում՝ ընտանեկան դիտման համար: Դրանցից 6-ը պրեմիերաներ են:
Միջոցառման կազմակերպիչներն են Մոսկվայի «Սնարկ» և «Ֆաննի Բելլի տնակը» թատրոնները:
«Կարաբաս» փառատոնում ներկայացվող նախագծերը ձևաչափով փոքր են: Դրանք ներկայացնողները, որպես օրինաչափություն, սեփական հիմնական բեմահարթակները չունեցող թատերախմբեր են: Բայց պետք է նշել, որ փառատոնում ընդգրկված աշխատանքները բազմաժանր են, որոնցից յուրաքանչյուրի մեջ յուրահատուկ եղանակներով կիրառվում են ինտերակտիվ տեխնոլոգիաներ, բեմախաղային հնարքներ, պատմություն պատմելու թատերական եղանակ (սթորիթելլինգ), յուրահատուկ մոբիլ բեմանկարչություն, երաժշտության կենդանի կատարումներ:
«Մենք խուսափում ենք մանկական ներկայացումների բեմականացման կարծրատիպերից, փնտրում ենք հետաքրքիր ժամանակակից պատմություններ և դրանք մատուցելու յուրահատուկ եղանակներ: Փառատոնի մասնակիցներն ակտիվ ուսումնասիրում են եվրոպական մանկական թատրոնի փորձը, որն արդեն շատ վաղուցվանից խնդիր է դնում ոչ այնքան փոքրիկ հանդիսատեսներին զվարճացնելը, որքան նրանց գեղագիտական և մտավոր առումով զարգացնելը»,- նշել է «Սնարկ» թատրոնի գեղարվեստական ղեկավար Յուրի Ալեսինը:
