Քաղաքակրթական ներուժը կեցության բարձրագույն արժեք է:

Ավազե անիմացիա տիկնիկային թատերական միջոցառման շրջանականերում

06.22.2015


Այսօր Սանկտ-Պետերբուրգում կմեկնարկի «Կուկարթ» («Տիկնիկային արթ») 12-րդ միջազգային փառատոնը: Այդ մասին տեղեկացնում է «taglur.am»-ը՝ հղում անելով «artistpromotion.ru»-ին:

«Միայն մեծերին ու փոքրերին հասկանալի տիկնիկների թատրոնի միջոցով մենք կարող ենք մարդկանց ուշադրությունը հրավիրել մեր շրջապատում եղած ցավի և ուրախության վրա: Նյութականը երբեք չի դառնա կյանքի արժեքը գնահատելու չափանիշ...»,- նշել է փառատոնի նախագահ Դավիդ Բուրմանը:

«Իսրայել –Սանկտ-Պետերբուրգ մշակութային կամուրջ» նախագիծը, որի հիման վրա անցկացվում է փառատոնը, նախատեսում է անսովոր ներկայացումների ցուցադրություններ: Օրինակ, այստեղ հունիսի 26-ին հանդիսատեսները հնարավորություն կունենան ներկա լինել հայտնի իսրայելցի նկարիչ անիմատոր Եվգենի Սվերդլովի սոցիալ-մշակութային ուղղվածության «Մի պատմություն» ավազե անիմացիային: Իսկ հաջորդ օրը Պետերբուրգի կենտրոնում ուղղակի կկայանա տիկնիկային թատրոնների ներկայացումների իսկական հրավառություն, որին կմասնակցեն ռուս, իսրայելցի, ճապոնացի, թուրքմեն և Ղրիմի Սիմֆերոպոլ քաղաքի տիկնիկային թատրոնների արտիստներն ու նրանց տիկնիկները:

Փառատոնային ծրագրի շրջանակներում նախատեսված են նաև այլ միջոցառումներ, որոնց մեջ հատկապես կառանձնանա դերասանի տանը նախատեսված հատուկ երաժշտական ծրագիրը: Առանձին ծրագրերով հանդես կգան նաև Հունաստանից, Ֆիլլանդիայից, Իտալիայից, Գերմանիայից ժամանած երաժիշտները, կլնեն նաև ինքնատիպ միջոցառումներ, որոնք պետերբուրգցի հանդիսատեսների համար պատրաստել են այստեղ ժամանած թատերախմբերը:

Փառատոնը կեզրափակվի հունիսի 30-ին:
    Դիտվել է 867 անգամ