Քիդմանը 17 տարի անց հաղթականորեն վերադարձել է բեմահարթակ09.09.2015
Լոնդոնի «Noel Coward Theatre» թատրոնում օրերս կայացել է Աննա Զեգլերի «Լուսանկար 51» պիեսի հիման վրա նոր բեմադրության պրեմիերան, որտեղ գլխավոր դերում հանդես է գալիս հոլլիվուդյան գերաստղ Նիքոլ Քիդմանը:
Արտիստուհին թատերական բեմահարթակում չէր երևացել 17 տարի շարունակ: Լոնդոնյան այս ներկայացման մեջ նա մարմնավորում է բրիտանացի գիտնական Ռոզալինդ Ֆրանկլինին, ով պատմության մեջ է մտել մարդու ԴՆԹ-ի ուսումնասիրությունների ոլորտում կատարած գիտական ձեռքբերումների շնորհիվ: Ֆրանկլինը նաև պայքարում էր գիտական աշխարհում սեքսիզմը կարևոր նախապայման դիտարկելու մոտեցումների դեմ: Նա իր տեսակետներին հավատարիմ մնաց նույնիսկ այն բանից հետո, երբ իր ձվարաններում հայտնաբերվեց չարորակ ուռուցք:
Նիկոլ Քիդմանի մասնակցությունը այս ներկայացմանը միայն մասնագիտական գործունեության դրսևորում չի: Նա այս հարցում ունեցել է նաև անձնական դրդապատճառ: Արտիստուհին իր դերը նվիրել է հորը՝ գիտնական Էթոնի Քիդմանին, ով կյանքից հեռացել է մեկ տարի առաջ:
«Իմ հայրը կենսաքիմիկոս էր: Հայրիկը դեռ ողջ էր, երբ առաջին անգամ ինձ ուղարկեցին «Լուսանկար 51» պիեսը: Նա քաջատեղյակ էր Ռոզալինդ Ֆրանկլինի պատմությանը: Այնպես որ այս ներկայացումը նվիրվում է նրան և բոլոր այն մարդկանց, ովքեր իրենց կյանքը նվիրաբերում են գիտությանը կամ շատ կրքոտ են սիրում իրենց գործը, որով զբաղվում են նախ և առաջ հանուն ուրիշների և ոչ թե հանուն փառքի»,- փոխանցում է «The Telegraph»-ի տեղեկատվությունը «taglur.am»՝ հղում անելով «ves.lv»-ին:
Նիկոլ Քիդմանի խաղը հանդիսատեսի վրա հսկայական տպավորություն է թողել: Պրեմիերայից հետո դահլիճը մի քանի րոպե հոտնկայս շարունակ ծափահարել է, իսկ հետո հարյուրավոր երկրպագուներ թատրոնի մոտ շրջապատել են արտիստուհուն և ինքնագիր խնդրել:
Նշենք, որ համացանցի օգտատերերը նույնպես մեծ հիացմունքով են խոսում Քիդմանի խաղի մասին՝ որակելով այն ֆենոմենալ:
Լոնդոնի «Noel Coward Theatre» թատրոնում օրերս կայացել է Աննա Զեգլերի «Լուսանկար 51» պիեսի հիման վրա նոր բեմադրության պրեմիերան, որտեղ գլխավոր դերում հանդես է գալիս հոլլիվուդյան գերաստղ Նիքոլ Քիդմանը:
Արտիստուհին թատերական բեմահարթակում չէր երևացել 17 տարի շարունակ: Լոնդոնյան այս ներկայացման մեջ նա մարմնավորում է բրիտանացի գիտնական Ռոզալինդ Ֆրանկլինին, ով պատմության մեջ է մտել մարդու ԴՆԹ-ի ուսումնասիրությունների ոլորտում կատարած գիտական ձեռքբերումների շնորհիվ: Ֆրանկլինը նաև պայքարում էր գիտական աշխարհում սեքսիզմը կարևոր նախապայման դիտարկելու մոտեցումների դեմ: Նա իր տեսակետներին հավատարիմ մնաց նույնիսկ այն բանից հետո, երբ իր ձվարաններում հայտնաբերվեց չարորակ ուռուցք:
Նիկոլ Քիդմանի մասնակցությունը այս ներկայացմանը միայն մասնագիտական գործունեության դրսևորում չի: Նա այս հարցում ունեցել է նաև անձնական դրդապատճառ: Արտիստուհին իր դերը նվիրել է հորը՝ գիտնական Էթոնի Քիդմանին, ով կյանքից հեռացել է մեկ տարի առաջ:
«Իմ հայրը կենսաքիմիկոս էր: Հայրիկը դեռ ողջ էր, երբ առաջին անգամ ինձ ուղարկեցին «Լուսանկար 51» պիեսը: Նա քաջատեղյակ էր Ռոզալինդ Ֆրանկլինի պատմությանը: Այնպես որ այս ներկայացումը նվիրվում է նրան և բոլոր այն մարդկանց, ովքեր իրենց կյանքը նվիրաբերում են գիտությանը կամ շատ կրքոտ են սիրում իրենց գործը, որով զբաղվում են նախ և առաջ հանուն ուրիշների և ոչ թե հանուն փառքի»,- փոխանցում է «The Telegraph»-ի տեղեկատվությունը «taglur.am»՝ հղում անելով «ves.lv»-ին:
Նիկոլ Քիդմանի խաղը հանդիսատեսի վրա հսկայական տպավորություն է թողել: Պրեմիերայից հետո դահլիճը մի քանի րոպե հոտնկայս շարունակ ծափահարել է, իսկ հետո հարյուրավոր երկրպագուներ թատրոնի մոտ շրջապատել են արտիստուհուն և ինքնագիր խնդրել:
Նշենք, որ համացանցի օգտատերերը նույնպես մեծ հիացմունքով են խոսում Քիդմանի խաղի մասին՝ որակելով այն ֆենոմենալ:
