Դերենիկ Մարտիրոսյանը մանուկներին է առաջարկում «Բարի հրաշագործը» գիրքը 09.26.2015
Լույս է տեսել Երևանի Հ. Թումանյանի անվան տիկնիկային թատրոնի դերասան-տիկնիկավար, թատերագետ և թատերագիր Դերենիկ Մարտիրոսյանի «Բարի հրաշագործը» գիրքը:
Ինչպես նշված է գրքի ծանոթագրության մեջ, այն «բովանդակում է հեքիաթ-թատերախաղեր, նաև զվարճալի հանդես-բեմականացումներ Ամանորի տոնածառի շուրջ… Ընթերցողի մտքի ու սրտի տեսադաշտում արագ փոփոխվող հեքիաթների զարմանալի աշխարհը ներկայանում է գեղեցիկ ու պատկերավոր արտահայտչամիջոցներով»:
Ներկայացված բոլոր թատերախաղերը տարբեր ժամանակներում բեմականացվել են ինչպես Երևանի Հովհ. Թումանյանի անվան տիկնիկային թատրոնի, այնպես էլ այլ թատրոնների բեմերում` հրճվանք և անզուսպ ծիծաղ պարգևելով բազում մանուկների:
Գիրքը կարդալիս անմիջապես զգացվում է հեղինակի բարի միտումն ու սկզբունքը. ոչ թե ստեղծել պարզապես հետաքրքիր գործեր, ծիծաղ հարուցել ընդամենը զվարճացնելու նպատակով, այլ այդ ամենը դարձնել միջոց մանուկ հոգիները կրթելու, դաստիարակելու համար:
Ստեղծագործությունների կերպարները տեսանելի, բովանդակությունը առավել պատկերավոր են դարձնում գրքի նկարները, որոնց հեղինակն է Վիկտոր Հովհաննիսյանը:
Հեղ. - Գուրգեն Միքայելյան
Լույս է տեսել Երևանի Հ. Թումանյանի անվան տիկնիկային թատրոնի դերասան-տիկնիկավար, թատերագետ և թատերագիր Դերենիկ Մարտիրոսյանի «Բարի հրաշագործը» գիրքը:
Ինչպես նշված է գրքի ծանոթագրության մեջ, այն «բովանդակում է հեքիաթ-թատերախաղեր, նաև զվարճալի հանդես-բեմականացումներ Ամանորի տոնածառի շուրջ… Ընթերցողի մտքի ու սրտի տեսադաշտում արագ փոփոխվող հեքիաթների զարմանալի աշխարհը ներկայանում է գեղեցիկ ու պատկերավոր արտահայտչամիջոցներով»:
Ներկայացված բոլոր թատերախաղերը տարբեր ժամանակներում բեմականացվել են ինչպես Երևանի Հովհ. Թումանյանի անվան տիկնիկային թատրոնի, այնպես էլ այլ թատրոնների բեմերում` հրճվանք և անզուսպ ծիծաղ պարգևելով բազում մանուկների:
Գիրքը կարդալիս անմիջապես զգացվում է հեղինակի բարի միտումն ու սկզբունքը. ոչ թե ստեղծել պարզապես հետաքրքիր գործեր, ծիծաղ հարուցել ընդամենը զվարճացնելու նպատակով, այլ այդ ամենը դարձնել միջոց մանուկ հոգիները կրթելու, դաստիարակելու համար:
Ստեղծագործությունների կերպարները տեսանելի, բովանդակությունը առավել պատկերավոր են դարձնում գրքի նկարները, որոնց հեղինակն է Վիկտոր Հովհաննիսյանը:
Հեղ. - Գուրգեն Միքայելյան
