Քաղաքակրթական ներուժը կեցության բարձրագույն արժեք է:

Թատերական գարնան 1-ին խոշոր միջոցառումը Իբերո-ամերիկյան 15-րդ փառատոնն է

03.01.2016


Կոլումբիայում մարտի 11-ին կմեկնարկի Իբերո-ամերիկյան 15-րդ թատերական միջազգային փառատոնը, որին մասնակցում են աշխարհի բոլոր մայրցամաքները ներկայացնող դրամատիկական թատրոնների տասնյակ ստեղծագործական խմբեր:

Այս տարի, օրինակ, այդ միջոցառմանը կմասնակցեն 32 երկրներից ժամանած թատերախմբեր, որոնք Կոլումբիայի մայրաքաղաք Բոգոտայի և հարակից բնակավայրերի թատերական 30 հարթակներում ներկայացնեն 46 տարբեր բեմադրություններ: Նախատեսվում է, որ փառատոնի շրջանակներում կկազմակերպվեն 20 լաբորատորիաներ և կանցկացվեն վարպետաց դասեր:

Նշենք, որ 1988թ.-ին սկիզբ առած և երկու տարին մեկ անցկացվող Իբերո-ամերիկյան միջազգային փառատոնը բավականին մեծ ժողովրդայնություն է ստացել և նախորդ մի քանի անգամ անցկացվածների գնահատականներով ունենում է մինչև 2 մլն հանդիսական:

Ավանդության համաձայն փառատոնում կներկայացվեն կատարողական արվեստի բոլոր ժանրերով ներկայացումներ՝ թատերական դասական գործեր, ավանգարդ, պարեր, կրկեսային արվեստ, տիկնիկային թատրոն, կաբարե, փողոցային շոու, մնջախաղ:
Փառատոնը աշխատանքները կամփոփի մարտի 27-ին:
    Դիտվել է 982 անգամ