Թատրոնների դռները գիշերը բաց կլինեն հանդիսատեսների առջև03.19.2016
Մոսկվացի հանդիսատեսները մարտի 27-ի՝ թատրոնի միջազգային օրվա նախօրեին, հնարավորություն կունենան անվճար կրկին դիտել իրենց սիրելի շատ ներկայացումներ կամ ներկա գտնվել նոր բեմադրությունների պրեմիերաների: Այդ մասին տեղեկացնում է «taglur.am»-ը՝ հղում անելով «tvkultura.ru»-ին:
Արդեն ավանդական դարձած «Գիշերը թատրոնում» ծրագիրը կմեկնարկի նկարիչ Պավել Կապլևիչի «Շչելկունչիկ» օպերայի համար ստեղծած հագուստների ցուցադրությամբ: Իսկ միջոցառման գլխավոր բեմահարթակն այս անգամ կդառնա Մայակովսկու անվան ակադեմիական թատրոնի բեմահարթակը, որտեղ կկայանա Բերթոլդ Բրեխտի «Կովկասյան կավճային շրջան» ներկայացման պրեմիերան: Իսկ Մոսկվայի «Ժամանակակից պիեսի դպրոց» թատրոնը այս միջոցառման շրջանակներում, Իոսիֆ Ռեկխելգաուզի բեմադրությամբ կցուցադրի հանդիսատեսների շրջանում մասսայականություն վայելող «Քաղաք» ներկայացումը:
Թատերական հրապարակներում և բեմերում այդ գիշեր սիրված դերասանների կատարմամբ կհնչեն բանաստեղծական կոմպոզիցիաներ, իսկ «Լենկոմ» թատրոնում տարբեր ներկայացումներից կցուցադրվեն առանձին դրվագներ, նաև՝ «Դուռը» փորձարարական ներկայացումը ռոք երաժշտի մասին : Իսկ պոեզիայի երեկոն կեզրափակվի Գոգոլ-կենտրոնում:
Հիշեցնենք, որ թանգարանների ու գրադարանների հետ միասին ամեն տարի մոսկովյան թատրոնները պատրաստում են հատուկ ծրագիր այն հանդիսատեսների համար, ովքեր ցանկանում են այդ մշակութային հաստատությունում մնալ շատ ավելի երկար, քան դա սահմանված է աշխատանքային գրաֆիկով: Այսպիսի միջոցառում առաջին անգամ անցկացվել է 2013 թ.-ին՝ նորարար թատերական ռեժիսոր Ռոման Վիկտյուկի նախաձեռնությամբ:
Մոսկվացի հանդիսատեսները մարտի 27-ի՝ թատրոնի միջազգային օրվա նախօրեին, հնարավորություն կունենան անվճար կրկին դիտել իրենց սիրելի շատ ներկայացումներ կամ ներկա գտնվել նոր բեմադրությունների պրեմիերաների: Այդ մասին տեղեկացնում է «taglur.am»-ը՝ հղում անելով «tvkultura.ru»-ին:
Արդեն ավանդական դարձած «Գիշերը թատրոնում» ծրագիրը կմեկնարկի նկարիչ Պավել Կապլևիչի «Շչելկունչիկ» օպերայի համար ստեղծած հագուստների ցուցադրությամբ: Իսկ միջոցառման գլխավոր բեմահարթակն այս անգամ կդառնա Մայակովսկու անվան ակադեմիական թատրոնի բեմահարթակը, որտեղ կկայանա Բերթոլդ Բրեխտի «Կովկասյան կավճային շրջան» ներկայացման պրեմիերան: Իսկ Մոսկվայի «Ժամանակակից պիեսի դպրոց» թատրոնը այս միջոցառման շրջանակներում, Իոսիֆ Ռեկխելգաուզի բեմադրությամբ կցուցադրի հանդիսատեսների շրջանում մասսայականություն վայելող «Քաղաք» ներկայացումը:
Թատերական հրապարակներում և բեմերում այդ գիշեր սիրված դերասանների կատարմամբ կհնչեն բանաստեղծական կոմպոզիցիաներ, իսկ «Լենկոմ» թատրոնում տարբեր ներկայացումներից կցուցադրվեն առանձին դրվագներ, նաև՝ «Դուռը» փորձարարական ներկայացումը ռոք երաժշտի մասին : Իսկ պոեզիայի երեկոն կեզրափակվի Գոգոլ-կենտրոնում:
Հիշեցնենք, որ թանգարանների ու գրադարանների հետ միասին ամեն տարի մոսկովյան թատրոնները պատրաստում են հատուկ ծրագիր այն հանդիսատեսների համար, ովքեր ցանկանում են այդ մշակութային հաստատությունում մնալ շատ ավելի երկար, քան դա սահմանված է աշխատանքային գրաֆիկով: Այսպիսի միջոցառում առաջին անգամ անցկացվել է 2013 թ.-ին՝ նորարար թատերական ռեժիսոր Ռոման Վիկտյուկի նախաձեռնությամբ:
