Քաղաքակրթական ներուժը կեցության բարձրագույն արժեք է:

Վ. Ֆոկինի «Ռևիզորը» այսօր էլ կենդանի տեսք ունի

06.15.2016

Օրերս Սանկտ-Պետերբուրգի Ալեքսանդրինյան թատրոնի հիմնական բեմում 250-րդ անգամ ներկայացվեց Վալերի Ֆոկինի բեմականացրած գոգոլյան անմահ ստեղծագործությունը՝ «Ռևիզորը»: Այդ մասին տեղեկացնում է «taglur.am»-ը՝ հղում անելով «rg.ru»-ին:

Այս բեմադրությունը թատրոնի գեղարվեստական ղեկավարն իրականացրել է Մեյերհոլդի և Կորենևի 1926 թ.-ին պատրաստած ներկայացման հիման վրա և Մոսկվայից Պետերբուրգ տեղափոխված Ֆոկինի համար, փաստորեն, ժամանակին դարձել է Ռուսաստանի հյուսիսային մայրաքաղաքի խստապահանջ հանդիսատեսին իր արվեստը ներկայանալու այցեքարտը: «Ռևիզորը» ներկայացմամբ թատրոնը 2002 թ.-ին բացեց «Ավանդության նոր կյանքը» գեղարվեստական-հետազոտական մասշտաբային նախագիծը: Երկրի կառավարության կողմից այդ ներկայացումն արժանացավ Ռուսաստանի Պետական մրցանակի, նաև՝ «Ոսկե դիմակ» Ազգային թատերական մրցանակի և Սանկտ-Պետերբուրգի «Ոսկե սոֆիտ» թատերական բարձրագույն մրցանակի:

«14 տարին մեծ ժամանակաշրջան է: Ներկայացումն անընդհատ փոփոխվել է: Մենք կատարել ենք երկու խմբագրում, բոլոր նորամուծությունները մանրակրկիտ են, հանգամանալից, շատ կետային: Մեյերհոլդն ասում էր, որ սա պետական պիես է, որը պետք է բեմադրել Ռուսաստանում յուրաքանչյուր 10 տարին մեկ, և բացարձակ ճիշտ էր: Կարելի է հիմա նորովի բեմադրել այս պիեսը, ես նույնիսկ պատկերացնում եմ, թե ինչպես: Բայց մեր «Ռևիզորը» այսօր էլ լավ վիճակում է, ունի կենդանի տեսք»,- ասել է Վալերի Ֆոկինը:



Որոնման համակարգում այս թեմայով այլ նյութերի բանալի բառը ՝ Ֆոկին
    Դիտվել է 1165 անգամ