Ժամանակակից գաղթի թեման այսօր սահմանագծերը կհատի «Գոյ» թատրոնում10.06.2016
Այսօր՝ հոկտեմբերի 6-ին, Երևանի «Գոյ» թատրոնում կկայանա Սամվել Մարտիրոսյանի «Սահմանագիծը ոտքերի արանքում» պիեսի թատերականացված ներկայացումը:
Այս տրագիկոմեդիան, որ արժանացել է ԵՄ-ի կողմից անվցկացվող «Խոսելով սահմանների մասին» մրցույթի խրախուսանքին, առաջին անգամ թատերականացված ընթերցմամբ, թարգմանաբար ներկայացվել է Գերմանիայի Կառլսռուհե քաղաքի պետական թատրոնում:
Այն անդրադառնում է հայրենիքից տարագրվածների կյանքին:
Օտար ափերում բախտ փնտրելը, որ անցյալ դարում, թվում է, ուներ հայկական դիմագիծ, 21-րդ դարում վերածվել է համամարդկային բարդ հիմնախնդրի: Այդ երևույթը ծնվելով նյութական հիմքից, ի վերջո շրջապտույտի մեջ է առնում նաև մարդու միտքը, զգացմունքները և, անշուշտ, հոգին՝ անդառնալի փոփոխություններ առաջացնելով նրա ներաշխարհում:
Հայ հանդիսատեսին առաջին անգամ ներկայացվող «Սահմանագիծը ոտքերի արանքում» պիեսի հերոսները հայրենիքից անվերադարձ տարագրված և ազգային պատկանելությունը գրեթե կորցրած, «արմատահան» մարդիկ են, որոնք գոյության կռվի մարտահրավերները թեև օտար ափերում յուրովի հաղթահարում են, սակայն, իրականում, վերածվում են երազանքների ու իրականության միջև թափառող հակասոցիալական փոխակերպուկների:
Այսօր՝ հոկտեմբերի 6-ին, Երևանի «Գոյ» թատրոնում կկայանա Սամվել Մարտիրոսյանի «Սահմանագիծը ոտքերի արանքում» պիեսի թատերականացված ներկայացումը:
Այս տրագիկոմեդիան, որ արժանացել է ԵՄ-ի կողմից անվցկացվող «Խոսելով սահմանների մասին» մրցույթի խրախուսանքին, առաջին անգամ թատերականացված ընթերցմամբ, թարգմանաբար ներկայացվել է Գերմանիայի Կառլսռուհե քաղաքի պետական թատրոնում:
Այն անդրադառնում է հայրենիքից տարագրվածների կյանքին:
Օտար ափերում բախտ փնտրելը, որ անցյալ դարում, թվում է, ուներ հայկական դիմագիծ, 21-րդ դարում վերածվել է համամարդկային բարդ հիմնախնդրի: Այդ երևույթը ծնվելով նյութական հիմքից, ի վերջո շրջապտույտի մեջ է առնում նաև մարդու միտքը, զգացմունքները և, անշուշտ, հոգին՝ անդառնալի փոփոխություններ առաջացնելով նրա ներաշխարհում:
Հայ հանդիսատեսին առաջին անգամ ներկայացվող «Սահմանագիծը ոտքերի արանքում» պիեսի հերոսները հայրենիքից անվերադարձ տարագրված և ազգային պատկանելությունը գրեթե կորցրած, «արմատահան» մարդիկ են, որոնք գոյության կռվի մարտահրավերները թեև օտար ափերում յուրովի հաղթահարում են, սակայն, իրականում, վերածվում են երազանքների ու իրականության միջև թափառող հակասոցիալական փոխակերպուկների:
