«Կուրաժ մայրիկն ու նրա զավակները» ապագայի հակաուտոպիայի հագուստներով02.15.2017
Սանկտ-Պետերբուրգի Ալեքսանդրինյան թատրոնում շուտով հանդիսատեսին կներկայացվի Բերթոլդ Բրեխթի «Կուրաժ մայրիկն ու նրա զավակները» պիեսը՝ հույն հայտնի ռեժիսոր Թեոդորոս Թերզոպուլոսի բեմադրությամբ: Այդ մասին տեղեկացնում է «taglur.am»-ը՝ հղում անելով «ticketbest.ru»-ին:
Սա դերասանական վարպետության սեփական մեթոդը ստեղծած ռեժիսորի 3-րդ աշխատանքն է եվրոպական թատրոնի առաջատարներից մեկի համբավը վայելող պետերբուրգյան թատրոնում: Մինչ այս Թերզոպուլոսը այստեղ բեմադրել է Սոֆոկլեսի «Էդիփոս արքան» (2006թ.) և Սամուել Բեքքեթի «Խաղի վերջը» պիեսները: Ի դեպ Բեքքեթի հայտնի պիեսն այսօր էլ ընդգրկված է թատրոնի խաղացանկում և հաջողությամբ շարունակում է իր բեմական կյանքը:
«Կուրաժ մայրիկն ու նրա զավակները» պիեսը գերմանացի լեգենդար դրամատուրգը ստեղծել է 2-րդ համաշխարհային պատերազմի նախօրեին: Այս բեմադրությամբ Թերզոպուլոսը խոստովանում է, որ ցանկացել է անդրադառնալ ժամանակակից պատերազմներին ու բռնություններին: «Մենք ձգտում ենք այն մոտեցնել այսօրվա իրողություններին, որտեղ, հաճախ, պատերազմը դիմակավորվում է խաղաղության դիմակով»,-նշել է ռեժիսորը:
Ի դեպ Թերզոպուլոսը նաև այս նոր ներկայացման բեմական ձևավորման հեղինակն է:
«Բեմի հետնամասը ռելիեֆային տեսք ունի: Այն անթաղ մեռյալներ են, որոնք հետևում են, թե ինչ է կատարվում բեմում և հանդիսատեսների հետ: Դերասանների հանդերձներն ապագայի հակաուտոպիայի հագուստներ են, որոնցով հանդես են գալու ապագայի զինվորները»,- ընդգծել է ռեժիսորը:
Թեոդորոս Թերզոպուլոսը համաշխարհային թատրոնի ոլորտում հին հունական ողբերգության առաջատար գիտակներից է: Սակայն Բրեխթի թատրոնին անդրադարձը պատահականություն չէ: Դեռ 1970-ականներին նա 5 տարի ուսանել է գերմանացի այս մեծ թատերական գործչի կողմից հիմնադրված «Բեռլիներ անսամբլ» թատրոնում, որտեղ սովորել է Բրեխթի աշակերտ Հայներ Մյուլերի մոտ: Իսկ 1970-ականների վերջերը Թերզոպուլոսի ստեղծագործական կյանքը նշանավորվել են բրեխթյան սեփական բեմադրություններով, որոնցից են «Հացի փուռը» (1977), «Կարմիր-դարչնագույնները» (1977) և գերմանացի այս թատերական գործչին ներկայացնող մի շարք այլ աշխատանքներով: Ի դեպ, նա փոքր ինչ ավելի ուշ, 1983թ.-ին, Հյուսիսային Հունաստանի պետական թատրոնում արդեն մեկ անգամ բեմադրել է նաև «Կուրաժ մայրիկն ու նրա զավակները» պիեսը:
Այս թեմային կրկին անդրադառնալու մասին խոսելիս Թերզոպուլոսը նշել է, որ «Մարդկային բնույթի անհավանական և անփոփոխ առանձնահատկությունն այնպիսին է, որ աղետները մարդկանց ոչինչ չեն սովորեցնում»:
Ավելացնենք, որ այս նոր բեմադրության պրեմիերան Սանկտ-Պետերբուրգի Ալեքսանդրինյան թատրոնում նշանակված է փետրվարի 24-ին:
Սանկտ-Պետերբուրգի Ալեքսանդրինյան թատրոնում շուտով հանդիսատեսին կներկայացվի Բերթոլդ Բրեխթի «Կուրաժ մայրիկն ու նրա զավակները» պիեսը՝ հույն հայտնի ռեժիսոր Թեոդորոս Թերզոպուլոսի բեմադրությամբ: Այդ մասին տեղեկացնում է «taglur.am»-ը՝ հղում անելով «ticketbest.ru»-ին:
Սա դերասանական վարպետության սեփական մեթոդը ստեղծած ռեժիսորի 3-րդ աշխատանքն է եվրոպական թատրոնի առաջատարներից մեկի համբավը վայելող պետերբուրգյան թատրոնում: Մինչ այս Թերզոպուլոսը այստեղ բեմադրել է Սոֆոկլեսի «Էդիփոս արքան» (2006թ.) և Սամուել Բեքքեթի «Խաղի վերջը» պիեսները: Ի դեպ Բեքքեթի հայտնի պիեսն այսօր էլ ընդգրկված է թատրոնի խաղացանկում և հաջողությամբ շարունակում է իր բեմական կյանքը:
«Կուրաժ մայրիկն ու նրա զավակները» պիեսը գերմանացի լեգենդար դրամատուրգը ստեղծել է 2-րդ համաշխարհային պատերազմի նախօրեին: Այս բեմադրությամբ Թերզոպուլոսը խոստովանում է, որ ցանկացել է անդրադառնալ ժամանակակից պատերազմներին ու բռնություններին: «Մենք ձգտում ենք այն մոտեցնել այսօրվա իրողություններին, որտեղ, հաճախ, պատերազմը դիմակավորվում է խաղաղության դիմակով»,-նշել է ռեժիսորը:
Ի դեպ Թերզոպուլոսը նաև այս նոր ներկայացման բեմական ձևավորման հեղինակն է:
«Բեմի հետնամասը ռելիեֆային տեսք ունի: Այն անթաղ մեռյալներ են, որոնք հետևում են, թե ինչ է կատարվում բեմում և հանդիսատեսների հետ: Դերասանների հանդերձներն ապագայի հակաուտոպիայի հագուստներ են, որոնցով հանդես են գալու ապագայի զինվորները»,- ընդգծել է ռեժիսորը:
Թեոդորոս Թերզոպուլոսը համաշխարհային թատրոնի ոլորտում հին հունական ողբերգության առաջատար գիտակներից է: Սակայն Բրեխթի թատրոնին անդրադարձը պատահականություն չէ: Դեռ 1970-ականներին նա 5 տարի ուսանել է գերմանացի այս մեծ թատերական գործչի կողմից հիմնադրված «Բեռլիներ անսամբլ» թատրոնում, որտեղ սովորել է Բրեխթի աշակերտ Հայներ Մյուլերի մոտ: Իսկ 1970-ականների վերջերը Թերզոպուլոսի ստեղծագործական կյանքը նշանավորվել են բրեխթյան սեփական բեմադրություններով, որոնցից են «Հացի փուռը» (1977), «Կարմիր-դարչնագույնները» (1977) և գերմանացի այս թատերական գործչին ներկայացնող մի շարք այլ աշխատանքներով: Ի դեպ, նա փոքր ինչ ավելի ուշ, 1983թ.-ին, Հյուսիսային Հունաստանի պետական թատրոնում արդեն մեկ անգամ բեմադրել է նաև «Կուրաժ մայրիկն ու նրա զավակները» պիեսը:
Այս թեմային կրկին անդրադառնալու մասին խոսելիս Թերզոպուլոսը նշել է, որ «Մարդկային բնույթի անհավանական և անփոփոխ առանձնահատկությունն այնպիսին է, որ աղետները մարդկանց ոչինչ չեն սովորեցնում»:
Ավելացնենք, որ այս նոր բեմադրության պրեմիերան Սանկտ-Պետերբուրգի Ալեքսանդրինյան թատրոնում նշանակված է փետրվարի 24-ին:
 28.11.jpg)
.jpg)
