Քաղաքակրթական ներուժը կեցության բարձրագույն արժեք է:

Կմրցեն երաժշտական քննադատները

03.03.2017


Ռուսաստանի Պերմ քաղաքի օպերայի ու բալետի պետական թատրոնը հայտարարել է ռուսաստանցի երաժշտական քննադատների 3-րդ մրցույթի մեկնարկը: Այդ մասին «teatral-online.ru»-ի տեղեկատվությունը փոխանցում է «taglur.am»-ը:

Մրցույթը կայանալու է երկու անվանակարգերով. 1. Լավագույն ակադեմիական երաժշտության և երաժշտական թատրոնի մասին տեքստ և 2. Լավագույն ԶԼՄ, որը գրում է ակադեմիական երաժշտության և երաժշտական թատրոնի մասին:

Մրցույթին մասնակցող ժանրերն են՝ անդրադարձերը, հոդվածները, ռեպորտաժները, էսսեները, ակնարկի և դիմանկարային ներկայացման հատույթով տեքստերը: Մրցույթն անցկացվում է Ռուսաստանի մինչև 36 տարեկան քաղաքացի հանդիսացող մասնագետների շրջանակներում:

«Մրցույթի հիմնական նպատակը առավել երիտասարդ երաժշտական քննադատներին օժանդակելն է, նրանց մասնագիտական մակարդակի բարձրացումը և, անշուշտ, մեծացնելու ԶԼՄ-ների ուշադրությունը ակադեմիական երաժշտության նկատմամբ:

Մրցույթը կամփոփվի մայիսի 15-ին՝ Պերմի օպերայի ու բալետի պետական թատրոնում կայանալիք Դյագիլևյան փառատոնի ժամանակ: «Լավագույն տեքստ»-ի մրցանակային առաջին երեք տեղերի համար սահմանված է 150, 75, և 50 հազար ռուբլի, իսկ ԶԼՄ-ների պարգևը կլինի այդ փառատոնին մասնակցելու համար հատուկ հրավերը:
    Դիտվել է 945 անգամ