Թատրոնները բեմադրում են ներկայացումը և... դնում անկյունում05.17.2017
«Թատրոնները տարվա կտրվածքով շատ հստակ պետք է ներկայացնեն որ օրը ինչ նոր ներկայացում են ունենալու: Ժամանակացույցը թող իրենք սահմանեն, բայց հստակ հետևելու ենք իրենց իսկ նշած ժամկետների պահպանմանը:»,- հայտարարել է ՀՀ մշակույթի նախարար Արմեն Ամիրյանը և ավելացրել, որ «Ամեն ինչ պետք է ընթանա ըստ ծրագրի և ժամանակացույցի: Նոր ներկայացման արդյունավետ փիարի համար...»:
Նա նաև կարևորել է թատրոնների գործունեության մասին անհրաժեշտ տեղեկատվական աշխատանքների կանոնակարգումը, նշելով, որ պետք է թատերախմբերը նախատեսեն նաև, «թե յուրաքանչյուր պրեմիերայից առաջ իրազեկման ինչ քայլեր են նախատեսված»՝ ընդհուպ մամուլի ասուլիսները, հարցազրույցները և այլն:
Համաձայն նախարարության պաշտոնական կայքի, Ամիրյանը նաև շոշափել է այն հարցը, որ «նոր ներկայացումների համար թատրոնները հատկացումներ են ուզում պետբյուջեից» սակայն չեն ցանկանում իրենց աշխատած եկամուտներից ներդրումներ կատարել նոր ներկայացումների բեմադրությունների համար:
Ըստ նախարարի, նախանշված ծրագրերի իրականացման աշխատանքները պատկերացնելու համար կոնկրետ ժամանակահատվածում պետք է անցկացվի մոնիթորինգ և «համապատասխան միջոցառումներ ձեռնարկվեն այն ՊՈԱԿ-ներում, որտեղ ծրագրերը չեն կատարվում»:
ՀՀ մշակույթի նախարարը ընդգծել է, որ պետությունն աշխատավարձ է տալիս, հոսանքի գումար է վճարում, ամեն ինչ հոգում է, այդ ամենին զուգահեռ նաև ներկայացման գումարն է տալիս, սակայն թատրոնները բեմադրություններն իրականացնելուց հետո դրանք « դնում են անկյունում»:
«Ոչ ոք չի իմանում դրա մասին, կորչում, գնում է: Չի՛ լինելու այդպես…» ասել է Արմեն Ամիրյանը:
«Թատրոնները տարվա կտրվածքով շատ հստակ պետք է ներկայացնեն որ օրը ինչ նոր ներկայացում են ունենալու: Ժամանակացույցը թող իրենք սահմանեն, բայց հստակ հետևելու ենք իրենց իսկ նշած ժամկետների պահպանմանը:»,- հայտարարել է ՀՀ մշակույթի նախարար Արմեն Ամիրյանը և ավելացրել, որ «Ամեն ինչ պետք է ընթանա ըստ ծրագրի և ժամանակացույցի: Նոր ներկայացման արդյունավետ փիարի համար...»:
Նա նաև կարևորել է թատրոնների գործունեության մասին անհրաժեշտ տեղեկատվական աշխատանքների կանոնակարգումը, նշելով, որ պետք է թատերախմբերը նախատեսեն նաև, «թե յուրաքանչյուր պրեմիերայից առաջ իրազեկման ինչ քայլեր են նախատեսված»՝ ընդհուպ մամուլի ասուլիսները, հարցազրույցները և այլն:
Համաձայն նախարարության պաշտոնական կայքի, Ամիրյանը նաև շոշափել է այն հարցը, որ «նոր ներկայացումների համար թատրոնները հատկացումներ են ուզում պետբյուջեից» սակայն չեն ցանկանում իրենց աշխատած եկամուտներից ներդրումներ կատարել նոր ներկայացումների բեմադրությունների համար:
Ըստ նախարարի, նախանշված ծրագրերի իրականացման աշխատանքները պատկերացնելու համար կոնկրետ ժամանակահատվածում պետք է անցկացվի մոնիթորինգ և «համապատասխան միջոցառումներ ձեռնարկվեն այն ՊՈԱԿ-ներում, որտեղ ծրագրերը չեն կատարվում»:
ՀՀ մշակույթի նախարարը ընդգծել է, որ պետությունն աշխատավարձ է տալիս, հոսանքի գումար է վճարում, ամեն ինչ հոգում է, այդ ամենին զուգահեռ նաև ներկայացման գումարն է տալիս, սակայն թատրոնները բեմադրություններն իրականացնելուց հետո դրանք « դնում են անկյունում»:
«Ոչ ոք չի իմանում դրա մասին, կորչում, գնում է: Չի՛ լինելու այդպես…» ասել է Արմեն Ամիրյանը:
