Քաղաքակրթական ներուժը կեցության բարձրագույն արժեք է:

Մ. Բարիշնիկով. «Մարդկանց ծաղրի ու ծանակի ենթարկելը չի խանգարում չինովնիկներին»

10.03.2017

Նախօրեին՝ հոկտեմբերի 2-ին, բալետի պարող, դերասան և բալետմայստեր Միխայիլ Բարիշնիկովը պետական ֆինանսական միջոցներն անօրինական յուրացնելու մեջ մեղադրվող Մոսկվայի «Գոգոլ կենտրոն» թատրոնի գեղարվեստական ղեկավար, դատարանի որոշմամբ տնային կալանքում գտնվող Կիրիլ Սերեբրեննիկովին հասցեագրված նամակ է հրապարակել: Այդ մասին տեղեկացնում է «taglur.am»-ը՝ հղում անելով «colta.ru»-ին:

Բարիշնիկովի խնդրանքով, որը չի օգտվում սոցիալական ցանցերից, այդ նամակը իր ֆեյսբուքյան էջում հրապարակել է գրող Բորիս Ակունինը:

«Հիշում եմ մեր հանդիպումը Նյու-Յորքում շատ տարիներ առաջ, ինչպես նաև ոչ վաղուցվա զրույցները ձեր ներկայացումների հավանական ցուցադրումների մասին մեզ մոտ՝ կենտրոնում (նկատի ունի արվեստի իր ղեկավարությամբ գործող կենտրոնը՝ Նյու-Յորքում): Ես հուսով եմ, որ այդ նախագիծը մի օր կիրագործենք: Դա կարևոր է բոլորի համար՝ ձեր, ձեր հիանալի դերասանների, մեր հանդիսատեսի, անձամբ ինձ և, վերջապես, ռուսական թատրոնի համար»:

Բարիշնիկովը նշել է, որ երկար ժամանակ ապրելով ազատ աշխարհում, «հեշտ է մոռանալ այն անօրինականության և անարդարության սարսափը, որոնք գոյություն ունեին, կան և, վախենում եմ, դեռ երկար գոյություն կունենան Ռուսաստանում»:

Այնուհետև Բարիշնիկովը նշում է. «Մարդկանց ծաղրի ու ծանակի ենթարկելը չի խանգարում չինովնիկներին, որպեսզի նրանք լավ քնեն: Նրանց անհասկանալի են արվեստագետի ստեծագործական տառապանքները, աշխատանքի ընթացքում սեփական ստեղծագործական ուժերի նկատմամբ կասկածները, ասենք, պիեսի վրա, նկարահանման հրապարակում, դատարկ կտավի առաջ կամ բալետային հաստոցի առջև: Այդ տառապանքները հաճախ ավելի ցավոտ ու ողբերգական են, քան ցանկացած ֆիզիկական խոշտանգումներ»:

Ըստ նամակի հեղինակի չինովնիկները կարող են ազատազրկել ցանկացացին, ստորացնել անհիմն մեղադրանքներով, փորձել մարդուն դարձնել հանրության համար ծիծաղի առարկա: Սակայն, այդ ամենով հանդերձ, Բարիշնիկովը վստահ է, որ նրանց մոտ ոչինչ չի ստացվի:

«Կգա ժամանակ,- եզրափակիչ հատվածում գրում է Բարիշնկովը,- որ այն ինչ տեղի է ունենում ձեր հետ, կհիշեն զզվանքով, որպես «բոլորին միևնույն սանրով խուզելու» անհաջող փորձ»:




Այս թեմայով այլ հղումներ-1

Այս թեմայով այլ հղումներ-2


    Դիտվել է 836 անգամ