Քաղաքակրթական ներուժը կեցության բարձրագույն արժեք է:

Ժամանակակից դրամատուրգներին կվերադարձնեն պետպատվերի քաղաքականության ոլորտ

11.06.2017


Ռուսաստանի մշակույթի նախարարությունը գործնական քայլեր է նախատեսում թատերական քաղաքականության մեջ 2018թ.-ին էական փոփոխություն կատարելու նպատակով: Օրերս գերատեսչության կազմում գործող թատերական խորհրդի նիստի ժամանակ որոշել են պետպատվերի մեջ առավել մեծ տեղ հատկացնել հայրենական ժամանակակից դրամատուրգների աշխատանքներին : Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

«Խնդրում եմ պետական թատրոնների պետպատվերի մեջ վերադարձնել ժամանակակից հեղինակների աշխատանքները, որոնք ստեղծվել են 1992թ.-ից հետո,- ասել է ՌԴ մշակույթի նախարար Վլադիմիր Մեդինսկին:

Այս մոտեցումը, ըստ նախարարի, պետք է տարածվի նաև Մոսկվայի թատրոնների վրա:

Բացի այդ խորհրդի ընթացքում խոսք է եղել նաև երեխաներին և երիտասարդներին հասցեագրված ներկայացումների թիվն ավելացնելու մասին:

Ասենք, որ 2013-2015թթ.-երին Ռուսաստանում թատրոնների խաղացանկային քաղաքականությունը գնահատելիս առանձին գնահատվել են նաև երեխաների և երիտասարդների համար նախատեսված, ինչպես նաև ժամանակակից դրամատուրգների գործերով իրականացված բեմադրությունների բաժնեմասերը: Սակայն, սկսած 2016թ.-ից այդպիսի ցուցանիշներ գրանցելու քաղաքականությունից որոշել էին հրաժարվել:

    Դիտվել է 904 անգամ