Քաղաքակրթական ներուժը կեցության բարձրագույն արժեք է:

Մահացել է հայտնի բարիտոն Դմիտրի Խվորոստովսկին

11.22.2017

Լոնդոնում, կյանքի 56-րդ տարում վախճանվել է ռուսաստանցի հայտնի երգիչ Դմիտրի Խվորոստովսկին: Այդ մասին Ռուսաստանում արտիստի ներկայացուցչի տեղեկատվությունը փոխանցում է «taglur.am»-ը՝ հղում անելով «ՏԱՍՍ»-ին:

Հիշեցնենք, որ 2015թ-ին նրա մոտ ախտորոշվել էր ուղեղի ուռուցք: Հիվանդության պատճառով երգիչը ստիպված էր հրաժարվել համերգային ելույթներից և օպերային արդեն ծրագրված բազմաթիվ ներկայացումների մասնակցելուց: Բայց և այնպես Խվորոստոսկին տրամադրված էր լավատեսորեն և վստահ էր, որ կհաղթահարի հիվանդությանը: Նա բուժման որոշակի կուրս անցնելուց հետո նույնիսկ, միառժամանակ, վերականգնեց իր գործունեությունը...

Խվորոստովսկին, ծնվել և մեծացել է Կրասնոյարսկում: Ավարտել է տեղի մանկավարժական ուսումնարանը, ապա՝ արվեստների ինստիտուտը: 1985-1990թթ-երին եղել է հայրենի քաղաքի պԵտական օպերայի և բալետի թատրոնի մենակատարը:

1989թ-ին հիանալի բարիտոնը Քարդիֆում կայացած օպերային երգիչների միջազգային մրցույթում ճանաչվել է լավագույնը: Նա հանդես էր գալիս աշխարհի առաջատար բեմերում:



Այս թեմայով այլ հղումներ-1
    Դիտվել է 854 անգամ