Քաղաքակրթական ներուժը կեցության բարձրագույն արժեք է:

Փող կա՝ ներկայացումը կլինի. չկա՞, ուրեմն, ներկայացում չի լինի

04.03.2018

Ռուսաստանի ժողովրդական դերասանուհի Մարիա Արոնովան «Փոքրիկ ողբերգություններ» ներկայացման մեջ զբաղված իր գործընկերների հետ Սուրգուտ քաղաքի թատրոնի հարթակում հրաժարվել է սկսել ներկայացումը՝ իրենց հյուրախաղերը կազմակերպող կողմից հոնորարը չվճարելու պատճռվ: Այդ մասին «РИА новости»-ի տեղեկատվությունը փոխանցում է «taglur.am»-ը:

Դերասանուհին հայտարարել է, որ կազմակերպիչները ոչ միայն ներկայացումից առաջ չեն վճարում իրենց հոնորարը, այլև դերասաններից պահանջում են սուտ լուր տարածել այն մասին, որ կան ինչ-որ տեխնիկական խնդիրներ: Դերասանուհին նաև իր բողոքն է հայտնել, որ առանց թատերախմբին տեղեկացնելու հնչեցրել են երկրորդ զանգը:

Մարիա Արոնովայի հետ այդ պահին բեմում են եղել նաև դերասաններ Միխայիլ Պոլիցեմայկոն և Սերգեյ Շակուրովը:
Այս բողոքը բարձրաձայնելու ընթացքում Սուրգուտի թատրոնի տնօրենը հայտնել է, որ թատերախմբին վճարելու համար փող են գտել:

Հանդիսատեսներն ըմբռնումով են մոտեցել անսովոր իրավիճակին և ծափերով իրենց աջակցությունն են հայտնել դերասաններին:

Այս աղմուկից հետո դերասան Միխայիլ Պոլիցեմայկոն ասել է, որ չվճարված հոնարարի պատասխանատուն ոչ թե Սուրգուտի թատրոնի վարչակազմն է, այլ՝ հյուրախաղերի վարձույթն իրականացնող մոսկովյան կազմակերպությունը:

Ավելացնենք,որ դերասաններին հասանելիք հոնորարի պատմությունը տեսագրվել և զետեղվել է նաև YouTube-ում:





Լուսանկարն՝ ըստ հղման աղբյուրի:

Տեսանյութեր

Դիտվել է 920 անգամ