Քաղաքակրթական ներուժը կեցության բարձրագույն արժեք է:

Բոլորը օգնում են, որպեսզի նա փղին հասցնի դստեր մոտ...

01.29.2019

Մոսկվայի տիկնիկային թատրոնում պատրաստել են առանց բառերի ներկայացում, որտեղ բոլոր զգացմունքները դերասանները փոխանցում են մարմնի միջոցով: Այդ մասին «mospuppets.ru»-ի տեղեկատվությունը փոխանցում է «taglur.am»-ը:

Ըստ Ալեքսանդր Կուպրինի «Փիղը» պատմվածքի պատրաստված ներկայացումը երեխաների նկատմամբ ծնողների անսահման սիրո մասին է, երբ հանուն մերձավորի երջանկության մարդը ընդունակ է գլխի վայր շրջել անգամ ողջ աշխարհը:

«Մենք ցուցադրում ենք ընտանիքի մեջ իդեալական հարաբերությունները, երբ երեխայի ցանկությունները, նույնիսկ ամենաանհավանականները, չեն մերժվում ծնողների կողմից, չեն թվում դատարկ ու հիմար»,- ասում է ներկայացման ռեժիսոր Նատալյա Պախոմովան: Ըստ նրա, եթե ընտանիքի ներսում չկա ապավեն, մարդը կարող է հայտնվել ընկճախտի մեջ, հիվանդանալ:

Ռեժիսորը կարծում է, որ հարազատների համար անհրաժեշտություն լինելը կարևոր թեմա է, որը, հաճախ, կյանքում փոխարինվում է այլ բաներով:

Ներկայացումը հասցեագրված է ընտանիքին՝ մայրիկներին, հայրիկներին, երեխաներին: Սա այդ ամբողջությանը հասցեագրված թատերախաղ է:

Տիկնիկների հետ ներկայացման մեջ գլխավոր գործող անձ է դառնում նաև Սանկտ-Պետերբուրգը՝ իր մեծ ու փոքր ճարտարապետական կառույցներով ու դրանց առանձին դետալներով: Այստեղ է նաև հին պետերբուրգյան կրկեսը, որտեղ հանդես է գալիս աշխարհում շատ մեծ համբավ ստացած աճպարար Գուդինին, փղի անհայտանալու իր հանրահայտ կրկեսային ելույթով:

Փիղը ներկայացման մեջ հոր անսահման սիրո, հանուն դստեր երջանկության ամեն ինչի պատրաստ լինելու խորհրդանիշն է:

Ներկայացման մեջ չկան բացասական կերպարներ: Բոլորը օգնում են հորը, որպեսզի նա փղին հասցնի դստեր մոտ...


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 796 անգամ