Չապլինի ծոռնուհու աչքի առաջ կախիչը սկսում է զբոսնել բեմում, և ոչ միայն...06.04.2019
Մոսկվայում, Չեխովի անվան միջազգային թատերական փառատոնում ցուցադրվել է «Զանգակներ և հմայախոսություններ» ներկայացումը, որը բեմադրել է մեծ կատակերգակ Չարլզ Չապլինի ժառանգներից Վիկտորիա Թյերե-Չապլինը: Գլխավոր դերում հանդես է եկել նրա դուստրը՝ Աուրելիան: Այդ մասին տեղեկացնում է «taglur.am»-ը՝ հղում անելով «tvkultura.ru»-ին:
Հանճարեղ Չապլինի սերունդները, որոնք իրենց կարիերան սկսել են կրկեսում, ստեղծել են բեմական նոր ուղղություն:
Աուրելիա Թյերեին, Չապլինի փխրուն, էքստրավագանտ, հանելուկային ծոռնուհին արդեն երրորդ անգամ է մասնակցում այս հեղինակավոր թատերական ստուգատեսին:
Այս անգամ «Զանգակներ և հմայախոսություններ» ներկայացման մեջ նա մարմնավորում է մի աղջկա, որ տառապում է գողամոլությամբ: Նա գողանում է այն ամենը, ինչը գրավում է ուշադրությունը: Խորասուզվելով այդ աշխարհում, հերոսուհին աննկատ հայտնվում է այն իրերի իշխանության տակ, որոնց տիրանում է: Շրջազգեստը անսպասելիորեն ձեռք է բերում սեփական կյանք: Կախիչը սկսում է զբոսնել բեմում: Իսկ պատի մեջ հանկարծակի առաջացած բացվածքի միջով հայտնվում է հանելուկային պարողը՝ այս ներկայացման մեջ Աուրելիայի խաղընկերը՝ Ջեյմի Մարթինեսը:
Այս բոլոր տարօրինակ տեսարանները Աուրելիայի մոր՝ բեմադրիչ Վիկտորիա Թյերե-Չապլինի մտահղացումներն են: Նա ոչ միայն ներկայացման գաղափարի հեղինակն ու ռեժիսորն է, այլև սցենոգրաֆը, հագուստների և ռեկվիզիտի հեղինակը:
Հրաշքը ձևավորվում է հասարակ առարկաներից, հաճելի զվարճալիքներից և կատարողների հմայքից՝ որը, թերևս, Չապլին-Թյերե դերասանական ընտանիքի ֆիրմային ոճն է: Հումոր, աբսուրդ, երազանքներ: Մարդկանց կյանք ներխուժած առարկաների հանելուկային աշխարհ:
Մինչև ներկայացման սկսվելը որպես դեկորացիա բեմում գտնվող այդ առարկաները թողնում են սովորական տպավորություն: Չկա կախարդություն կամ անսովորի կասկած հարուցող որևէ բան: Սակայն ամեն ինչ փոխվում է, երբ բեմ է դուրս գալիս Աուրելիա Թյերեն:
Դեկորացիաները կենդանանում են, իրերը՝ իմաստով լցվում: Հերոսուհու ներկայությունը նրանց մեջ կյանք է ներշնչում: Բառերի բացակայությունը ուժգնացնում է հանդիսատեսի ֆանտազիան: Ո՞վ է այս գողամանիայով տառապողը և ինչու՞ է նա անընդհատ գողանում:
«Հենց թեման շատ անսպասելի էր, որովհետև ես երբեք չեմ գողանում, թեև արդեն մտածում եմ, արդյոք չսկսե՞մ: Եվ բանն այն չէ, որ ես պետք է ինչ-որ նոր բան անեի, սակայն ես պետք է հետևեմ պատումին, որին բոլորովին չէի սպասում: Ինձ համար սա մեծ անակնկալ դարձավ: Ներկայացման սկզբից խորասուզվում եմ այս պատմության մեջ և անջատվում իրականությունից»,- իր աշխատանքը մեկնաբանելիս նշել է Աուրելիան:
«Զանգակներ և հմայախոսություններ» ներկայացումը ցուցադրվել է Մոսկվայում, իսկ առաջիկա օրերին այն կդիտեն նաև պետերբուրգցի և եկատերինբուրգցի հանդիսատեսները:
Լուսանկարն՝ ըստ հղման աղբյուրի:
Մոսկվայում, Չեխովի անվան միջազգային թատերական փառատոնում ցուցադրվել է «Զանգակներ և հմայախոսություններ» ներկայացումը, որը բեմադրել է մեծ կատակերգակ Չարլզ Չապլինի ժառանգներից Վիկտորիա Թյերե-Չապլինը: Գլխավոր դերում հանդես է եկել նրա դուստրը՝ Աուրելիան: Այդ մասին տեղեկացնում է «taglur.am»-ը՝ հղում անելով «tvkultura.ru»-ին:
Հանճարեղ Չապլինի սերունդները, որոնք իրենց կարիերան սկսել են կրկեսում, ստեղծել են բեմական նոր ուղղություն:
Աուրելիա Թյերեին, Չապլինի փխրուն, էքստրավագանտ, հանելուկային ծոռնուհին արդեն երրորդ անգամ է մասնակցում այս հեղինակավոր թատերական ստուգատեսին:
Այս անգամ «Զանգակներ և հմայախոսություններ» ներկայացման մեջ նա մարմնավորում է մի աղջկա, որ տառապում է գողամոլությամբ: Նա գողանում է այն ամենը, ինչը գրավում է ուշադրությունը: Խորասուզվելով այդ աշխարհում, հերոսուհին աննկատ հայտնվում է այն իրերի իշխանության տակ, որոնց տիրանում է: Շրջազգեստը անսպասելիորեն ձեռք է բերում սեփական կյանք: Կախիչը սկսում է զբոսնել բեմում: Իսկ պատի մեջ հանկարծակի առաջացած բացվածքի միջով հայտնվում է հանելուկային պարողը՝ այս ներկայացման մեջ Աուրելիայի խաղընկերը՝ Ջեյմի Մարթինեսը:
Այս բոլոր տարօրինակ տեսարանները Աուրելիայի մոր՝ բեմադրիչ Վիկտորիա Թյերե-Չապլինի մտահղացումներն են: Նա ոչ միայն ներկայացման գաղափարի հեղինակն ու ռեժիսորն է, այլև սցենոգրաֆը, հագուստների և ռեկվիզիտի հեղինակը:
Հրաշքը ձևավորվում է հասարակ առարկաներից, հաճելի զվարճալիքներից և կատարողների հմայքից՝ որը, թերևս, Չապլին-Թյերե դերասանական ընտանիքի ֆիրմային ոճն է: Հումոր, աբսուրդ, երազանքներ: Մարդկանց կյանք ներխուժած առարկաների հանելուկային աշխարհ:
Մինչև ներկայացման սկսվելը որպես դեկորացիա բեմում գտնվող այդ առարկաները թողնում են սովորական տպավորություն: Չկա կախարդություն կամ անսովորի կասկած հարուցող որևէ բան: Սակայն ամեն ինչ փոխվում է, երբ բեմ է դուրս գալիս Աուրելիա Թյերեն:
Դեկորացիաները կենդանանում են, իրերը՝ իմաստով լցվում: Հերոսուհու ներկայությունը նրանց մեջ կյանք է ներշնչում: Բառերի բացակայությունը ուժգնացնում է հանդիսատեսի ֆանտազիան: Ո՞վ է այս գողամանիայով տառապողը և ինչու՞ է նա անընդհատ գողանում:
«Հենց թեման շատ անսպասելի էր, որովհետև ես երբեք չեմ գողանում, թեև արդեն մտածում եմ, արդյոք չսկսե՞մ: Եվ բանն այն չէ, որ ես պետք է ինչ-որ նոր բան անեի, սակայն ես պետք է հետևեմ պատումին, որին բոլորովին չէի սպասում: Ինձ համար սա մեծ անակնկալ դարձավ: Ներկայացման սկզբից խորասուզվում եմ այս պատմության մեջ և անջատվում իրականությունից»,- իր աշխատանքը մեկնաբանելիս նշել է Աուրելիան:
«Զանգակներ և հմայախոսություններ» ներկայացումը ցուցադրվել է Մոսկվայում, իսկ առաջիկա օրերին այն կդիտեն նաև պետերբուրգցի և եկատերինբուրգցի հանդիսատեսները:
Լուսանկարն՝ ըստ հղման աղբյուրի:
 28.11.jpg)
.jpg)
