Այսօր լրանում է Ագրիպինա Հակոբի Վագանովայի ծննդյան 140 ամյակը06.26.2019
Այսօր, հունիսի 26-ին, լրանում է համաշխարհային բալետի զարգացման մեջ անուրանալի դերակատարություն ունեցած, ռուսական դասական պարի ասպարեզում մեծագույն ներդրումներ կատարած արտիստուհի, բալետմայստեր և մանկավարժ, ծագումով հայ Ագրեպինա Վագանովայի ծննդյան 140 ամյակը: Այդ մասին տեղեկացնում է «taglur.am»-ը՝ հղում անելով «tvkultura.ru»-ին:
Ագրիպինա Հակոբի Վագանովան համարվում է ռուսական դասական պարի տեսության հիմնադիրը: Նա 1934թ.-ին հեղինակել է «Դասական պարի հիմունքները» գիրքը, որը և համարվում է 20-րդ դարի ռուսական բալետի դպրոցի անկյունաքարային դասագիրքը: Այդ աշխատությամբ հեղինակը ներկայացրել է դասական պարի սեփական մեթոդների համակարգը, որն էլ մինչև այսօր ծառայում է որպես ժամանակակից բալետի արտիստների մասնագիտական ուսուցման հիմնական ուղեցույց:
Ագրիպինա Վագանովան սովորել է Պետերբուրգի կայսերական թատերական ուսումնարանում, որն ավարտելուց հետո աշխատանքի է անցել Մարինյան թատրոնի բալետի խմբում՝ սկզբում որպես պարուհի, ապա, մի քանի տարի անց՝ մենապարուհի:
Իր փայլուն կատարումներով նա աչքի է ընկել բազմաթիվ ներկայացումներում: Նրան անվանել են «վարիացիաների թագուհի»: Սակայն բոլորը չէ, որ միանշանակ էին ընդունում հայ պարուհու տեխնիկական վարպետությունը: Շատ քննադատներ նրան անվանում էին չափից դուրս ազատ պարող: Սակայն հետագայում հենց Վագանովայի պարային հնարքներն էին, որ առավել լայնորեն սկսեցին օգտագործել նաև այլ արտիստներ:
Ոչ պակաս հաջողությունների է հասել Վագանովան նաև մանկավարժության ոլորտում: Սկզբում նա դասավանդում էր տարբեր մասնավոր դպրոցներում և ստուդիաներում, իսկ հետո հրավիրվեց աշխատանքի Պետերբուրգի թատերական ուսումնարանում: Նրա սանուհիներից են ռուս-խորհրդային բալետի պատմության մեջ իրենց հետքը թողած այնպիսի արտիստուհիներ, ինչպիսիք են Նատալյա Կամկովան, Մարինա Սեմյոնովան, Օլգա Յորդանը, Գալինա Ուլանովան և ուրիշները:
Վագանովայի մանկավարժական համակարգը հիմնված էր պարզության և տեխնիկայի իմաստավորման, մարմնի դրվածքի խստության, ձեռքերի և ոտքերի դիրքի վրա: Հետագայում այդ տեխնիկան հայտնի դարձավ որպես «Վագանովայի համակարգ»:
Այսօր Ագրեպինա Վագանովայի անունն է կրում Սանկտ-Պետերբուրգի ռուսական բալետի ակադեմիան:
Այսօր, հունիսի 26-ին, լրանում է համաշխարհային բալետի զարգացման մեջ անուրանալի դերակատարություն ունեցած, ռուսական դասական պարի ասպարեզում մեծագույն ներդրումներ կատարած արտիստուհի, բալետմայստեր և մանկավարժ, ծագումով հայ Ագրեպինա Վագանովայի ծննդյան 140 ամյակը: Այդ մասին տեղեկացնում է «taglur.am»-ը՝ հղում անելով «tvkultura.ru»-ին:
Ագրիպինա Հակոբի Վագանովան համարվում է ռուսական դասական պարի տեսության հիմնադիրը: Նա 1934թ.-ին հեղինակել է «Դասական պարի հիմունքները» գիրքը, որը և համարվում է 20-րդ դարի ռուսական բալետի դպրոցի անկյունաքարային դասագիրքը: Այդ աշխատությամբ հեղինակը ներկայացրել է դասական պարի սեփական մեթոդների համակարգը, որն էլ մինչև այսօր ծառայում է որպես ժամանակակից բալետի արտիստների մասնագիտական ուսուցման հիմնական ուղեցույց:
Ագրիպինա Վագանովան սովորել է Պետերբուրգի կայսերական թատերական ուսումնարանում, որն ավարտելուց հետո աշխատանքի է անցել Մարինյան թատրոնի բալետի խմբում՝ սկզբում որպես պարուհի, ապա, մի քանի տարի անց՝ մենապարուհի:
Իր փայլուն կատարումներով նա աչքի է ընկել բազմաթիվ ներկայացումներում: Նրան անվանել են «վարիացիաների թագուհի»: Սակայն բոլորը չէ, որ միանշանակ էին ընդունում հայ պարուհու տեխնիկական վարպետությունը: Շատ քննադատներ նրան անվանում էին չափից դուրս ազատ պարող: Սակայն հետագայում հենց Վագանովայի պարային հնարքներն էին, որ առավել լայնորեն սկսեցին օգտագործել նաև այլ արտիստներ:
Ոչ պակաս հաջողությունների է հասել Վագանովան նաև մանկավարժության ոլորտում: Սկզբում նա դասավանդում էր տարբեր մասնավոր դպրոցներում և ստուդիաներում, իսկ հետո հրավիրվեց աշխատանքի Պետերբուրգի թատերական ուսումնարանում: Նրա սանուհիներից են ռուս-խորհրդային բալետի պատմության մեջ իրենց հետքը թողած այնպիսի արտիստուհիներ, ինչպիսիք են Նատալյա Կամկովան, Մարինա Սեմյոնովան, Օլգա Յորդանը, Գալինա Ուլանովան և ուրիշները:
Վագանովայի մանկավարժական համակարգը հիմնված էր պարզության և տեխնիկայի իմաստավորման, մարմնի դրվածքի խստության, ձեռքերի և ոտքերի դիրքի վրա: Հետագայում այդ տեխնիկան հայտնի դարձավ որպես «Վագանովայի համակարգ»:
Այսօր Ագրեպինա Վագանովայի անունն է կրում Սանկտ-Պետերբուրգի ռուսական բալետի ակադեմիան:
