Ն. Լազարև. «Նա տեսել է այդ այծին»12.05.2019
Մոսկվայի թատերական արվեստների պետական ինստիտուտում (ГИТИС) մեկնարկել է «Ճակատային թատրոնների ճանապարհներով» նախագիծը՝ նվիրված Հայրենական մեծ պատերազմում տարած հաղթանակի 75-ամյակին: Ծավալուն շարքի սկիզբը դրվեց բելոռուս հայտնի գրող Վասիլի Բիկովի «Երրորդ հրթիռը»պատմվածքի բեմադրությամբ: Այդ մասին տեղեկացնում է «taglur.am»-ը՝ հղում անելով «ՏԱՍՍ»-ին:
«Մեզ համար կարևոր էր, որ «Ճակատային թատրոնների ճանապարհներով» նախագիծը ծնվեր ուսանողների նախաձեռնությամբ»,- ասել է ինստիտուտի ռեկտոր Գրիգորի Զասլավսկին:
Նրա ասելով ուսանողներն իրեն էին դիմում «Հաղթանակի օրվա առթիվ ինչ-որ բան բեմադրելու առաջարկություններով» և ահա ծնվել է առաջին բեմադրությունը, որը համարվում է ռեժիսոր Նիկոլայ Լազարևի կուրսի ուսանողների դիպլոմային աշխատանք:
Լազարևը Բիկովի պատումի մեջ ավելացրել է նաև իր ընտանիքի հետ պատերազմի ժամանակ տեղ գտած մի իրական պատմություն: « Հայտնի կինոքրոնիայում ներկայացված է, թե ինչպես Մինսկ քաղաքում 1944թ.-ին կայացած պարտիզանական շքերթի առջևից քայլում էր գերմանական սաղավարտ կրող մի այծ: Այդ շքերթին ներկա է եղել նաև իմ հայրը: Նա տեսել է այդ այծին»,- ասել է ГИТИС-ի կորսղեկը:
Այս ներկայացումը ինստիտուտը նախատեսում է ցուցադրել Ռուսաստանի բազմաթիվ քաղաքներում և նաև Եվրոպայի այն բնակավայրերից շատերում, որտեղ պիտի նշեն հաղթանակի 75-ամյակը:
Նախագծին օժանդակություն է ցուցաբերում Կենտրոնական դաշնային տարածաշրջանում ՌԴ նախագահի լիազոր ներկայացուցիչը և ՌԴ մշակույթի նախարարությունը:
Մոսկվայի թատերական արվեստների պետական ինստիտուտում (ГИТИС) մեկնարկել է «Ճակատային թատրոնների ճանապարհներով» նախագիծը՝ նվիրված Հայրենական մեծ պատերազմում տարած հաղթանակի 75-ամյակին: Ծավալուն շարքի սկիզբը դրվեց բելոռուս հայտնի գրող Վասիլի Բիկովի «Երրորդ հրթիռը»պատմվածքի բեմադրությամբ: Այդ մասին տեղեկացնում է «taglur.am»-ը՝ հղում անելով «ՏԱՍՍ»-ին:
«Մեզ համար կարևոր էր, որ «Ճակատային թատրոնների ճանապարհներով» նախագիծը ծնվեր ուսանողների նախաձեռնությամբ»,- ասել է ինստիտուտի ռեկտոր Գրիգորի Զասլավսկին:
Նրա ասելով ուսանողներն իրեն էին դիմում «Հաղթանակի օրվա առթիվ ինչ-որ բան բեմադրելու առաջարկություններով» և ահա ծնվել է առաջին բեմադրությունը, որը համարվում է ռեժիսոր Նիկոլայ Լազարևի կուրսի ուսանողների դիպլոմային աշխատանք:
Լազարևը Բիկովի պատումի մեջ ավելացրել է նաև իր ընտանիքի հետ պատերազմի ժամանակ տեղ գտած մի իրական պատմություն: « Հայտնի կինոքրոնիայում ներկայացված է, թե ինչպես Մինսկ քաղաքում 1944թ.-ին կայացած պարտիզանական շքերթի առջևից քայլում էր գերմանական սաղավարտ կրող մի այծ: Այդ շքերթին ներկա է եղել նաև իմ հայրը: Նա տեսել է այդ այծին»,- ասել է ГИТИС-ի կորսղեկը:
Այս ներկայացումը ինստիտուտը նախատեսում է ցուցադրել Ռուսաստանի բազմաթիվ քաղաքներում և նաև Եվրոպայի այն բնակավայրերից շատերում, որտեղ պիտի նշեն հաղթանակի 75-ամյակը:
Նախագծին օժանդակություն է ցուցաբերում Կենտրոնական դաշնային տարածաշրջանում ՌԴ նախագահի լիազոր ներկայացուցիչը և ՌԴ մշակույթի նախարարությունը:
 28.11.jpg)
.jpg)
