Քաղաքակրթական ներուժը կեցության բարձրագույն արժեք է:

Տեսողական սահմանափակ հնարավորություններով մարդկանց ցուցադրվող առաջին կատակերգությունը

09.22.2020


Ռուսաստանցի մեծահարուստ, ազգությամբ ուզբեկ Ալիշեր Ուսմանովի « Արվեստ, գիտություն և սպորտ» բարեգործական հիմնադրամի աջակցությամբ երկրի թատրոններում շարունակու են իրականացնել «Հատուկ հայացք» նածագիծը չտեսնող կամ վատ տեսնող մարդկանց համար: Այդ մասին տեղեկացնում է «taglur.am»-ը՝ հղում անելով «ՏԱՍՍ»-ին:

Տեսողության խախտումներով մարդկանց թատերական կյանքին մասնակից դարձնելու նպատակ հետապնդող այս ծրագիրը իրականացվում է 2013թ.-ից և շատ թատրոններ այս հարթության մեջ արձանագրում են հետաքրքիր արդյունքներ, պատրաստում հանդիսատեստեսի շրջանում մեծ մասայականություն ստացող հիթային ներկայացումներ:

Առաջիկայում տեսողական սահմանափակումներ ունեցող մարդկանց իր հարկի տակ կընդունի Մոսկվայի Չոխովի անվան գեղարվեստական թատրոնը (МХТ): Պրոֆեսիոնալ տիֆլոմեկնաբանի սինքրոն բացատրությամբ հանդիսատեսին կներկայացվի Վլադիմիր Մաշկովի բեմադրած «№13D» ներկայացումը:

Հայտնի դերասանի բեմադրած այս գործը համարվում է МХТ-ի լավագույն գործերից մեկը, որտեղ ընդգրկված են թատրոնի առաջատար դերասանները: Այն հոկտեմբերի 5-ին կցուցադրվի հաստատության հիմնական բեմում:

Խոսելով ներկայացումը տեսողական սահմանափակ հնարավորություններով մարդկանց ցուցադրելու մասին, Մաշկովի բեմադրությունը այդ նպատակին հարմարեցրած տիֆլոմեկնաբան Վերա Ֆեվրալսկիխը նշել է, որ սա նման մարդկանց ցուցադրվող առաջին կատակերգությունն է: Ցուցադրելու համար «շատ ներկայացումներ կան, սակայն չկար, գոնե մեկ կատակերգություն»,- նշել է նա:

Տիֆլոմեկնաբանը նաև հայտարարել է, որ մինչև տարեվերջ հասարակության այս սոցիալական խավի համար կպատրաստվի ևս մեկ МХТ-յան ներկայացում: Դա կլինի ռեժիսոր Դմիտրի Կռիմովի «Սերյոժա»-ն՝ ըստ Լև Տոլստոյի «Աննա Կարենինա» վեպի:

Խոսելով «Հատուկ հայացք» նածագծի մասին МХТ-ի գեղարվեստական ղեկավար Սերգեյ Ժենովաչը կարծիք է հայտնել, որ այս մոտեցումը կուժգնացնի սահմանափակ տեսողություն ունեցող մարդկանց նկատմամբ ուշադրությունը, բացի այդ, նրանց կգրավի դեպի թատրոն:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 673 անգամ